Songs and Lyrics from JAGRITI - 1954

aao bachchon tumhen dikhaayen jhaanki hindustaan ki is mitti se tilak karo ye dharati hai balidaan ki vande maataram ... uttar mein rakhavaali karata parvataraaj viraat hai dakshin mein charanon ko dhota saagar ka samraat hai jamuna ji ke tat ko dekho ganga ka ye ghaat hai baat-baat pe haat-haat mein yahaan niraala thaath hai dekho ye tasveeren apane gaurav ki abhimaan kee, is mitti se ... ye hai apana raajapootaana naaz ise talavaaron pe isane saara jeevan kaata barachhi teer kataaron pe ye prataap ka vatan pala hai aazaadi ke naaron pe kood padi thi yahaan hazaaron padminiyaan angaaron pe bol rahi hai kan kan se qurabaani raajasthaan ki dekho mulk maraathon ka ye yahaan shivaaji dola tha mugalon ki taakat ko jisane talavaaron pe tola tha har paavat pe aag lagi thi har patthar ek shola tha boli har-har mahaadev ki bachchaa-bachcha bola tha yahaan shivaaji ne rakhi thi laaj hamaari shaan ki is mitti se ... jaliyaan vaala baag ye dekho yahaan chali thi goliyaan ye mat puuchho kisane kheli yahaan khoon ki holiyaan ek taraf bandooken dan dan ek taraf thi toliyaan maranevaale bol rahe the inaqalaab ki boliyaan yahaan laga di bahanon ne bhi baaji apani jaan ki is mitti se ... ye dekho bangaal yahaan ka har chappa hariyaala hai yahaan ka bachchaa-bachcha apane desh pe maranevaala hai dhaala hai isako bijali ne bhoochaalon ne paala hai mutthi mein toofaan bandha hai aur praan mein jvaala hai janmabhoomi hai yahi hamaare veer subhaash mahaan ki is mitti se ...

chalo chalen maan sapanon ke gaanv mein kaanton se door kaheen phoolon ki chhaanv mein chalo chalen maan ... ho rahe ishaare reshami ghataaon mein chalo chalen maan ... aaon chalen ham ek saath vahaan dukh na jahaan koi gam na jahaan aaj hai nimantran san-san havaaon mein chalo chalen maan ... rahana mere sang maan har dam aisa na ho ki bichhad jaayen ham ghoomana hai hamko door ki dishaaon mein chalo chalen maan ...

de di hamein aazaadi bina khadhg bina dhaal saabaramati ke sant tuune kar diya kamaal aandhi mein bhi jalati rahi gaandhi teri mashaal saabaramati ke sant tuune kar diya kamaal de di ... dharati pe ladi tuune ajab dhang ki ladaai daagi na kaheen top na bandook chalaai dushman ke kile par bhi na ki tuune chadhaai vaah re fakeer khoob karaamaat dikhaai chutaki mein dushmanon ko diya desh se nikaal saabaramati ke sant tuune kar diya kamaal de di ... raghupati raaghav raaja raam shataranj bichha kar yahaan baitha tha zamaana lagata tha mushkil hai firangi ko haraana takkar thi bade zor ki dushman bhi tha taana par tu bhi tha baapu bada ustaad puraana maara vo kas ke daanv ke ulati sabhi ki chaal saabaramati ke sant tuune kar diya kamaal de di ... raghupati raaghav raaja raam jab jab tera bigul baja javaan chal pade mazadoor chal pade the aur kisaan chal pade hindu aur musalamaan, sikh pathaan chal pade kadamon mein teri koti koti praan chal pade phoolon ki sej chhod ke daude jawaharlaal saabaramati ke sant tuune kar diya kamaal de di ... raghupati raaghav raaja raam mann mein thi ahinsa ki lagan tan pe langoti laakhon mein ghoomata tha liye satya ki sonti waise to dekhane mein thi hasti teri chhoti lekin tujhe zhukaati thi himaalay ki bhi choti duniya mein bhi baapu tu tha insaan bemisaal saabaramati ke sant tuune kar diya kamaal de di ... raghupati raaghav raaja raam jag mein jiya hai koi to baapu tu hi jiya tuune vatan ki raah mein sab kuch luta diya maanga na koi takht na koi taaj bhi liya amrit diya to theek magar khud zahar piya jis din teri chita jali, roya tha mahaakaal saabaramati ke sant tuune kar diya kamaal de di hamein aazaadi bina khadg bina dhaal saabaramati ke sant tuune kar diya kamaal raghupati raaghav raaja raam

paase sabhi ulat gaye dushman ki chaal ke akshar sabhi palat gaye bhaarat ke bhaal ke manzil pe aaya mulk har bala ko taal ke sadiyon ke baad phir ude badal gulaal ke ham laaye hain toofaan se kashti nikaal ke iss desh ko rakhana mere bachchon sambhaal ke tum hi bhavishhya ho mere bhaarat vishaal ke is desh ko rakhana mere bachchon sambhaal ke dekho kaheen barbaad na hove ye bageecha isako hriday ke khoon se baapu ne hai seencha rakkha hai ye chiraag shaheedon ne baal ke, is desh kot... duniya ke daanv pench se rakhana na vaasta manzil tumhaari duur hai lamba hai raasta bhatka na de koi tumhen dhokhe mein daal ke, is desh ko... aitam bamon ke zor pe ainthi hai ye duniya baarood ke ik dher pe baithi hai ye duniya tum har kadam uthaana zara dekha bhaal ke, is desh ko... araam ki tum bhool bhulayya mein na bhoolo sapanon ke hindolon pe magan hoke na jhoolo ab waqt aa gaya hai mere hansate hue phoolon utho chhalaang maar ke aakaash ko chhu lo tum gaad do gagan pe tiranga uchhaal ke, is desh ko...