Songs from film ALBELI

baar-baar mera pyaar mujhe puchh raha diladaa
ki aisa tujhamein kya hai kya hai jo mera chain gaya hai

maine dekha hai jab se tujhako chaaha hai tab se
aur mere fasaane mein kuchh bhi nahin
mujhako itana pata hai tujhamein aisi ada hai
naam jisaka zamaane mein kuchh bhi nahin
phir kaise main samajhaayuun aur kaise main batalaayuun
ki aisa tujhamein

ye ujaala badan ka chaand jaise gagan ka
kaise lafzon mein ye ruup dhal paayega
main jo gaana bhi chaahoon gunagunaana bhi chaahoon
geet mera adhura sa rah jaayega
phir kaise main samajhaayuun aur kaise main batalaayuun
ki aisa tujhamein

muskuraati hui chaandan
jagamagaata hua aasamaan
le chale ho mujhe tum kahaan
do muhabbat bhare dil jahaan
kah sake pyaar ki daasataan
le chale ham tumhe hain vahaan

kah rahe hain nazaare pukaar ke
bit jaae na din ye bahaar ke
sanasanaati havaaon ke geet ne
taarein chhede hain dil ke sitaar ke
ye suhaana sama hai umangein javaan
phir khule kyon na dil ki zubaan

aaj kaisi suhaani ye raat hai
zindagi mein nayi ek baat hai
in sitaaron ki rangin chhaanv me
do dilo ka anokha ye saath hai
ham tumhaare hue tum hamaare hue
pyaar ka muskuraaya jahaan