Songs from film ANMOL RATAN

shikava tera main gaayuu
dil mein samaane vaale
bhule se yaad kar le
o bhul jaane vaale
shikava tera

ai aah mera bhed kahin khol na dena
ham ko hai unase pyaar kahin bol na dena
ham bhi hain zidd ke pure
zidd ke nibhaane vaale
pi jaayenge aansu bhi
ham le rulaane vaale
shikava tera

mar jaayein ham ap hamein yaad karoge
rowoge phut-phut kar fariyaad karoge
dhundhenge phir sahaara
aansu bahaane vaale
aayenge nahin ja ke
duniya se jaane vaale
shikava tera

taare vohi hain chaand vohi ha
haay magar vo raat nahin
haay, taare vohi hain
(main bhi vohi hoon tum bhi vohi ho) - 2
haay magar vo baat nahin
taare vohi hain

jo main jaanati dil deke dukhi hona hai
ye preet sada ka rona hai
(na mera dil bhatakta na main aap bhatakti) - 2
band zubaan (main kahaan vo kahaan) - 2
ab milane ki koyi baat nahin
haay vo raat nahin
haay, taare vohi hain

aankhon mein aansu lab pe haay
ye ham un se lekar aaye
(haar gaye ham payaar ki baazi) - 2
dil ne aise khel khilaaye
band zubaan (main kahaan vo kahaan) - 2
ab milane ki koyi baat nahin
haay vo raat nahin
taare vohi hain, chaand vohi hai
haay magar vo raat nahin
haay, taare vohi hain