Songs from film ANNADATA

nain hamaare saanjh sakaare
dekhen laakhon sapane
sach ye kaheen
honge ya nahi
koi jaane na
koi jaane na yahaan

chalate rahen dagar pe gam ki jnake vaaste
chhalate rahen dilon ko ajanabi se raaste
sadiyon se chhaye, ye jo sapanon ke saaye
sach ye kaheen ...

man ye kahe dukhi na ho gamon se haar ke
likhate rahe jo aansuon se geet pyaar ke
geet vo chaahe roe koi hans ke gaaye
sach ye kaheen ...

sunate rahe bahaaron ki jo roz aahaten
chunate rahe labon pe ham to muskuraahaten
dil mein dabaaye laakhon aramaan jo haay
sach ye kaheen ...

(raaton ke saaye ghane jab bojh dil par bane
na to jale baati na ho koi saathi - 2
phir bhi na dar agar bujhen diye
sahar to hai tere liye) - 2

(jab bhi mujhe kabhi koi jo gam ghere
lagata hai honge nahi sapane yah poore mere) - 2
kahata hai dil mujhako maana hain gam tujhako
phir bhi na dar agar bujhen diye
sahar to hai tere liye

(jab na chaman khile mera bahaaron mein
jab doobane main lagoon raaton ki majadhaaron men) - 2
maayoos man dole par yah gagan bole
phir bhi na dar agar bujhen diye
sahar to hai tere liye

(jab zindagi kisi tarah bahalati nahi
khaamoshiyon se bhari jab raat dhalati naheen) - 2
tab muskuraauun main yah geet gaaoon main
phir bhi na dar agar bujhen diye
sahar to hai tere liye

raaton ke saaye ghane jab bojh dil par bane
na to jalen baati na ho koi saathi - 2
phir bhi na dar agar bujhen diye
sahar to hai tere liye