Songs from film APNE HUE PARAYE

dupatte ki girah mein baandh lijiye
mera dil hai kabhi kaam aayega
dupatte ki girah mein ...

ye maana tum haseen ho naazaneen ho
mere dil mein tum hi pardanasheen ho
kahaan le jaaogi tum aaisi surat
kabhi to hogi saathi ki zaroorat
mera dil hai ise saathi bana lo
ise apni nigaah mein chupa lo
dupatte ki girah mein ...

mere dil se ab na daaman bachaao
tumhen meri kasam hai tum paas aao
mera dil pyaar mein dooba hua hai
tumhaari yaad mein khoya hua hai
mera dil aapse badhkar haseen hai
haseenon ki tarah kaatil nahi hai
dupatte ki girah mein ...

jawaani tak hain ye saare jhamele
na honge aashiqui ke phir ye mele
karegi ye umar jab bewafaai
chura legi nazar saari khudaai
mera dil hi tumhen dega sahaara
banega toofaan mein kinaara
dupatte ki girah mein ...

Phir Koi Muskaraya Phir Ek Phool Khila
Koi Bulaaye Aur Koi Aaye Ab Dil Chaahe Kya
Phir Koi Muskaraya ...

Zindagi Phir Wohi Geet Gungunaane Lagi
Is Gali Jhoomti Bahaar Aane Lagi
Phir Koi Muskaraaya ...


Dil Mere Jhoom Le Yaad Kar Ke Is Shaam Ko
Behke Ham Jis Ghadi Pi Ke Pyaar Ke Jaam Ko
Phir Koi Muskaraaya ...

Hona Hai Aaj Phir Apne Sabr Ka Imtihaan
Lootna Hai Tumko Phir Aaj Mera Dil Meri Jaan
Phir Koi Muskaraaya ...

Phir Se Wohi Halchal Hasratein Machalne Lagi
Phir Woh Shokiyaan Nagma Ban Ke Dhalne Lagi
Phir Koi Muskaraaya ...