Songs from film BAAP BETE

haq maangate hain apane paseene ka
adhikaar hamein bhi hai jeene ka

tum laakh ameeron aish karo ham dekh tumhen kab jalate hain
saaye mein tumhaare mahalon ke lekin kitane gam palate hain
dekho to nazaara aake kabhi gam khaane aansu peene ka
haq maangate hain ...

mehanat pe hamaari hi tumane ye sheeshamahal hai khada kiya
tum jinako chhota kahate ho in chhoton ne tumako bada kiya
kyon saal ke peechhe chubhata hai phir bonas ek maheene ka
haq maangate hain ...

tum khud bhi jiyo aur jeene do hai maang yahi mazadooron ki
insaaf karo insaaf karo aah na lo mazadooron ki
shola na kaheen banakar bhadake ab tak jo dhuaan hai seene ka
haq maangate hain ...

sochane ko laakh baaten soche insaan
hogi vahi poori jise chaahe bhagavaan
sochane ko laakh ...

honi ke haath mein tu ek khilauna hai
usane jo soch liya bas vahi hona hai
tujhako giraaye vahi aur uthaaye vahi
bebas tu hai naadaan
sochane ko laakh ...

jo kuch bhi hai sab usaka tamaasha hai
aasha kaheen pe to kaheen pe niraasha hai
rakhe adhoore kabhi kar de poore kabhi
jisake vo chaahe aramaan
sochane ko laakh ...