Songs from film BADAL - 1951

la: ai dil na mujhase chhupa
sach bataa, kya hua
mu: jaane bhi do dilaruba
jo huaa, so hua

la: taare gine raat bhar
jaane kab yaad mein so gai
vo kaab tha madabhara
jis mein behosh main kho gai
koi neend men, hamase rooth ke
hamako loot ke chal diya
mu: jaane bhi do dilaruba
jo huaa, so hua

mu: khidaki na chhodo khuli
pyaar ke chor hain taak mein
kitanon ki chori hui
madabhari chaandani raat mein
aise marz kee, dil ke dard ki
dil ka dard hi hai dava
la: ai dil na mujhase chhupa
sach bataa, kya hua

la: baaten banaao na ji
raaz to aapake khul gae
mu: aankhen churaao na ji
nain se nain to mila gae
la: kya bura huaa, dil machal gaya
ghar badal gaya aapaka
mu: jaane bhi do dilaruba
jo huaa, so hua

do din ke liye mahamaan yahaan
maaloom nahi manzil hai kahaan
aramaan bhara dil to hai magar
jo dil se mile vo dil hai kahaan

ek phool jala ek phool khila
kuch apana luta kuch unako mila
kaise karen qisamat se gila
ham kaise karen qisamat se gila
rangeen har ek mahafil hai kahaan
do din ke liye ...

duniya mein savera hone laga
is dil mein andhera hone laga
har zakhm sisak ke rone laga
kis munh se kahe qaatil hai kahaan
do din ke liye ...

jalata hai jigar uthata hai dhuaan
aankhon se meri aansu hai ravaan
marane se ho jaaye dafa
jo marane se ho jaaye dafa
aisi ye meri mushkil hai kahaan
do din ke liye ...

kushi to qaid mein hai ye koi jeena bhi jeena hai
are zaalim zamaane tu ne dil ka chain chheena hai

rota hai mera dil
kisako pukaaruun kya karoon
jeena bhi hai mushqil
kisako pukaaruun kya karoon
kisako pukaaruun kya karoon
kya karoon kya karoon
rota hai mera dil
kisako pukaaruun kya karoon

( taqadeer ne mujhako loot liya
har aas ka sooraj doob gaya
har aas ka sooraj doob gaya ) -2
ye gam ki ghataayen aisi utheen
ummeed pe paani pher diya -2
ab door hui manzil
kisako pukaaruun kya karoon

ye phool kushi ke kaante hain
ham chupake-chupake rote hain
chupake-chupake rote hain
ai maut gavaahi dena tu
ham pyaar pe qurbaan hote hain -2
duniya hai badi qaatil
kisako pukaaruun kya karoon
kisako pukaaruun kya karoon
kya karoon kya karoon
rota hai mera dil
kisako pukaaruun kya karoon

mar jaayen to itana kar dena
do aansu a ke chadha dena -2
is pyaar ki ujadi basti mein
ik yaad ka deep jala dena -2
tum ho na sake haasil
kisako pukaaruun kya karoon
kisako pukaaruun kya karoon
kya karoon kya karoon
rota hai mera dil
kisako pukaaruun kya karoon
rota hai mera dil

main raahi bhatakane vaala hoon
koi kya jaane matavaala hoon

ye mast ghata meri chaadar hai
ye dharati mera bistar hai
main raat mein din ka ujaala hoon
koi kya jaane ...

ye bijali raat dikhaati hai
manzil pe mujhe pahunchaati hai
main toofaanon ka paala hoon
koi kya jaane ...

main machaloon to ik aag bhi hoon
main jhoomuun to ik raag bhi hoon
duniya se door niraala hoon
koi kya jaane ...

o anamol pyaar bin mol bike -2
is duniya ke baazaar mein -2
o insaan aur eemaan bike -2
is duniya ke baazaar mein -2
o anamol pyaar bin mol bike

khilate hi is phulawaari mein
pyaar ki kaliyaan jal jaati hain -2
dil ki dil mein rah jaati hai
chaandani raaten dhal jaati hain -2
kitane hi sansaar ujad jaate hain is sansaar mein -2
is duniya ke baazaar mein
o anamol pyaar bin mol bike

din ke ujaale mein bhi koi
hamako loot ke chal deta hai -2
pyaar bhara aramaan bhara ye
dil pairon se kuchal deta hai -2
chaman hamaari ummeedon ke sookhe bhari bahaar mein -2
is duniya ke baazaar mein
o anamol pyaar bin mol bike

dhan daulat ke doodh pe hamane
paap ke saanp ko palate dekha -2
ulati reet ki is duniya mein
subah ko sooraj dhalate dekha -2
bol yahi insaaf hai kya maalik tere darabaar mein -2
is duniya ke baazaar mein
o anamol pyaar bin mol bike
is duniya ke baazaar mein -2
o anamol pyaar bin mol bike