Songs from film BAHAANA (1960)

beraham aasamaan meri manzil bata hai kahaa

mujhase qisamat ne dhokha kiya
har qadam pe naya gam diya
hai khushi ki qasam ki yahaan
chain ka saans tak na liya
bujh gaya dil mera
raas aaya na tera jahaan
beraham aasamaan

teri duniyaan mein yuun ham jiye
aansuyon ke samundar piye
dil mein shiqave tadapate rahe
honth lekin hamesha siye
kab talaq ham rahein
teri duniyaan mein yuun bezubaan
beraham aasamaan

ab koi bhi tamanna nahin
ab yahaan ham ko jina nahin
zindagi ab tere jaam se
ek qatara bhi pina nahin
maut ko bhej ke
khatm kar de meri dastaan
beraham aasamaan

ja re badara bairi ja re ja r
piya ka sandesava la re la re la re
ja re badara bairi ja re ja re

pi ke daras ko jiyara tarase
pi ki khabariya la re la re la re
ja re

kahiyo sajan se man ki batiya
ro ro haal suna
ja re

baat takat mori haari najariya
kab aayeinge saanvariya
mohe kyon sataaye paapi
shor machaaye ja re
mora saanvariya la re la re la re
ja re

teri nigaahon mein tere hi baahon mei
rahane ko ji chaahata hai
dil mein chhupa yahi baat sajan se
kahane ko ji chaahata hai
teri nigaahon mein

dil ye hamaara ghar hai tumhaara
aao ji aa ke bas jaao ji
nain hamaare dekhe kvaab tumhaare
zara kvaabon mein aa ke hans jaao ji
jaan se pyaara hamein ghar ye tumhaara yahaan
rahane ko ji chaahata hai
teri nigaahon mein

dekho ji dekho aur kisi ko
dil mein na apane basaana ji
pyaar bhara ye vaada ham to na bhuule piya
tum bhi ise na bhulaana ji
prit hamaari rahe duniya se nyaari yahi
kahane ko ji chaahata hai
teri nigaahon mein