Songs from film BAHU BETI

aaj hai karava chauth sakhi ri maang le sukh ka daa
apane sapanon ke svaami ka dhar kar man mein dhyaan

janm-janm tak maang ka teri rang pade na phika
jab tak chamakein chaand-sitaare tab tak chamake tika
bandhe rahein manabhaate pritam ke praanon se praan
aaj hai karava chauth

jo koyi maange aaj lagan se yug-yug ka sukh paaye
saath saphal ho prem amar ho jivan mein ras aaye
aaj har ik naari ko prabhu se milata hai varadaan
aaj hai karava chauth

jiyo to aise jiyo jaise sab tumhaara ha
maro to aise ki jaise tumhaara kuchh bhi nahin

ye ek raaz hai ki duniya na jisako jaan saki
yahi vo raaz jo zindagi se haasil hai
tumhin kaho ye raaz tumhein kaise samajhaayuun
ke zindagi ki ghutan zindagi ki qaatil hai
har ek nigaah ko ye qudarat ka ishaara hai
jiyo to aise jiyo

jahaan mein aa ke jahaan se khinche-khinche na raho
vo zindagi hi nahin jisamein aas bujh jaaye
koyi bhi pyaas dabaaye se dab nahin sakati
isi se chain milega ki pyaas bujh jaaye
ye kahake mudata huwa zindagi ka dhaara hai
jiyo to aise jiyo

ye aasamaan ye zamin ye fiza ye nazaare
taras rahe hain tumhaari ik nazar ke liye
nazar chura ke har ek shai ko yuun na thukaraao
koyi shariq-e-safar dhuundh lo safar ke liye
bahut qarib se maine tumhein pukaara hai
jiyo to aise jiyo

sab mein shaamil ho magar sabase juda rahati h
sirf hamase nahin khud se bhi kafa lagati ho
sab mein shaamil

aankh uthati hai na jhukati hai kisi ki kaatir - 2
saans chadhati hai na rukati hai kisi ki kaatir
jo kisi dar pe na thahare vo hava lagati ho
sirf hamase nahin

zulf laharaaye to aanchal mein chhupa leti ho - 2
honth tharraayein to daanton mein daba leti ho
jo kabhi khul ke na barase vo ghata lagati ho
sirf hamase nahin

jaagi-jaagi nazar aati ho na soyi-soyi - 2
tum jo ho apane kyaalaat mein khoyi-khoyi
kisi maayuus musavvir ki du_a lagati ho
sirf hamase nahin