Songs from film BAHURANI

main jaaguun saari rai
sajan tum so jaao, so jaao, so jaao
giton mein chhupa luun bain
sajan tum so jaao, so jaao, so jaao

phiki pad gayi chaand ki jyoti
dhundhale ho gaye dip gagan ke
so gayin sundar sej ki kaliyaan
so gaye khulate bhaag dulhan ke
khulakar ro lein nain, sajan tum so jaao

jaag ke so gayi tan ki agni
badhakar tham gayi man ki halachal
apana ghuunghat aap ulatakar
khol di mainne paanv ki chhaadal
ab hai chain hi chain, sajan tum so jaao

umr hui, tumase mile, phir bhi jaane kyo
aise lage jaise pahali baar mile hain
umr hui, baag saje, phir bhi jaane kyon
aise lage phool pahali baar khile hain

ruup jaga yuun, bin sanvaare saajana, main sanvar gai - 2
aaj laga yuun, aaj laga yuun,
motiyon se meri maang bhar gai
kajara chhalake, achara dhalake,
aise lage jaise pahali baar mile hain

sang tumhaara, meri zindagi ko raas aa gaya - 2
pa ke sahaara, pa ke sahaara,
duur thha main, apane paas aa gaya
duniya saari, laage nyaari,
aise lage jaise pahali baar mile hain

jhuum utha tan, man mein ek aisi baat aa gai - 2
jisaki thi lagan, jisaki thi lagan
aaj vo milan ki raat aa gai
alake lahake, akhiyaan bakahe
aise lage jaise pahali baar mile hain