Songs from film BEES SAAL BAAD

(Beqarar karke humein yoon na jaiye
Aapko humari kasam laut aaiye) -2

Dekhiye woh kaali kaali badliyan
Zulf ki ghata churana le kahin
Chori chori aake shokh bijliyan
Aapki adaa churana le kahin
Yoon qadam akele na aage badhaiye
Aapko humari kasam laut aaiye
Beqarar karke..

(Dekhiye gulaab ki woh daaliyan
Badhke choom le na aap ke qadam) -2
Khoye khoye bhanvre bhi hain baag mein
Koi aapko bana na le sanam
Behki behki nazaron se khud ko bachaiye
Beqarar karke..

Zindagi ke raaste ajeeb hain
In mein is tarah chalaana kijiye
Khair hai isi mein aapki huzoor
Apna koi saathi dhoond lijiye
Sunke dil ki baat yoon na muskuraiye
Aapko humari kasam laut aaiye
Beqarar karke..

Oh oh oh, oh oh oh oh o
Kahin deep jale kahin dil
Zara dekh le aakar parwaane
Teri kaunsi hai manzil
Kahin deep jale kahin dil
Oh oh oh, oh oh oh oh oh
(Mera geet mere dil ki pukaar hai
Jahan main hoon vahin tera pyaar hai) - 2
Mera dil hai teri mehfil
Zara dekh le aakar parwaane
Teri kaunsi hai manzil
Kahin deep jale kahin dil
(Na main sapna hoon na koi raaz hoon
Ek dard bhari aawaaz hoon) - 2
Piya der na kar aa mil
Zara dekh le aakar parwaane
Teri kaunsi hai manzil
Kahin deep jale kahin dil
(Dushman hai hazaaron yahan jaan ke
Zara milna nazar pehchaanke) - 2
Kayi roop mein hai kaatil
Zara dekh le aakar parwaane
Teri kaunsi hai manzil
Kahin deep jale kahin dil
Oh oh oh oh oh, oh oh oh oh oh