Songs from film CHAMBAL KI KASAM

(chanda re, mere bhaiyya se kehna,
o mere bhaiyya se kehna, behna yaad kare) -2
o chanda re ...

kya batalaau kaisa hai vo
bilkul tere jaisa hai vo
tu usko pehchaan hi lega
dekhega to jaan hi lega
tu saare sansaar mein chamke
har basti har gaanv mein damke
kehna ab ghar vaapas aa ja -2
tu hai ghar ka gehna
behna yaad kare

o chanda re...

raakhi ke dhaage sab laaye
kehna ab na raah dikhaaye
maan ke naam ki kasmein dena
bhent meri ke rasamein dena
poochhana us roothe bhai se
bhool hui kya maan-jaai se
behan paraaya dhan hai kehna
usne sada nahi rehna
bahana yaad kare
o chanda re ...

simatee huyee ye ghadeeyaa
phir se naa bikhar jaayein

is raat mein jee le hum
is raat mein mar jaayein
simatee huyee ye ghadeeyaan

ab subah naa aa paaye,
aao ye duaa maangein

is raat ke har pal se,
raatein hee ubhar jaayein
simatee huyee ye ghadeeyaan

duniyaa kee nigaahein ab
hum tak naa pahunch paayein

taaron mein basein chalakar,
dharatee mein utar jaayein
simatee huyee ye ghadeeyaan

haalaat ke teeron se,
chhalanee hain badan apane

paas aao ke seenon ke
kuchh zakhm to bhar jaayein
simatee huyee ye ghadeeyaan

aage bhee andheraa hai,
peechhe bhee andheraa hai

apanee hain wahee saansein,
jo saath guzar jaayein
simatee huyee ye ghadeeyaan

aa aa aa aa
simatee huyee ye ghadeeyaan

bichhadi hui roohon ka
ye mel suhana hai
is mel ka kuchh ehasaan
jismon pe bhi kar jaayein
simatee huyee ye ghadeeyaan

tarase huye jazbon ko
ab aur na tarasaao
tum shaane pe sar rakh do
hum baanh mein bhar jaayein

simatee huyee ye ghadeeyaan
phir se naa bikhar jaayein
simatee huyee ye ghadeeyaan

simatee huyee ye ghadeeyaan