Songs from film CHANDRAMUKHI

nain ka chain churaakar le gai
kar gai nind haraam
chandrama sa mukh tha usaka
chandramukhi tha naam
nain ka chain churaakar le gai

ankhiyaan nili aur nashili
dil mein bas gai vo lajili (?)
chaandani thi mad bhari thi
gagan se utari pari thi
yaad hai vo din suhaana - 2
vo suhaani shaam
nain ka chain churaakar le gayi

sun raha huun vo paijaniya
ban mein naachi ek hiraniya
yaad khoi phir jaagi thi
jaani pahachaani lagi thi
nain milate hi nayan se - 2
man hua badanaam
nain ka chain churaakar le gayi

kaisi thi vo kya kahuun main
is liye chup-chup rahuun main
pyaar ka singaar thi vo
svapn ka saakaar thi vo
us vidhaata ki kala ki - 2
thi vo puurna viraam
nain ka chain churaakar le gayi

nainon se nainon ki baat huuy
chhup-chhup ke tumase mulaaqaat huyi
nahin jaan sake tum nahin jaan sake ham
phir bhi ghungharu ne bol diya chham-chham-chham
nainon se nainon ki

tum jo mile phuul khile dil ke aramaan hile
dharati gagan donon lage jhuumane
nainon se milate hi nayan chalane laga mand pavan
bhanvar lage kaliyon ko chuumane
pahale milan ki ye karaamaat huyi
chanda bin puunam ki raat huyi
nahin jaan sake tum

chanchal palakon ke tale nazaron ke tir chale
baazi lagi do dilon ke khel ki
tum bhi chale ham bhi chale dekh ke sab log jale
badhane lagi bel madhur mel ki
apani muhabbat ki shuruwaat huyi
jit idhar aur udhar maat huyi
nahin jaan sake tum