Songs from film CHOTA BHAI

diya jage saari raina
nindiya na aaye -2
raah take vyaakul naina
nindiya na aaye -2

sapna nahi koi sang kiran ke
geet nahi koi paas pavan ke
sapna nahi koi sang kiran ke
soye bhala kaise phool chaman ke
taaron ka bhi hai yahi kehna
nindiya na aaye -2

lalla lala lori gaake sunaau
main apni palkon ka palna banaau
lalla lala lori gaake sunaau
main teri nindiya ko kaise bulaau
teri tarah vo bhi maane na kehna
nindiya na aaye -2

diya jage saari raina
nindiya na aaye -4

duniya mein har kisi ki kismat juda-juda hain
ek motiyon se khele ek khak mein mila hai
ek wo hai jo maze se phoolon pe so raha hai
aur doosra bichaara kaaton pe ro raha hai
aji tum hi kaho ye kaisa insaaf ho raha hai
duniya mein har kisi ki ...

paisa hai paas jis ke duniya hai us ke bas mein
duniya usi ko maane jo khaaye jhooti kasmein
aji tum hi kaho samajh kar achchhi hain kya ye rasmein
duniya mein har kisi ki ...

sab ek jagah pe baithe har koi ek saa
ooncha na koi neecha chhota ho na bada ho
ban jaaye saari duniya ek ghar to kya maza hai
duniya mein har kisi ki ...

maa mujhe apne aanchal mein chipa le
gale se laga le
ki aur mera koi nahi
phir na sataaunga kabhi paas bula le
gale se laga le
ki aur mera koi nahi
maa mujhe apne ...

bhool meri chhoti si bhool jaao maata
aaise koi apno se rooth nahi jaata
rooth gaya hu main tu mujhko mana le
gale se laga le
ki aur mera koi nahi
maa mujhe apne ...

god mein teri aaj tak main pala hoon
ungali pakad ke teri maan main chala hoon
tere bina mujhko ab kaun sambhaale
gale se laga le
ki aur mera koi nahi
maa mujhe apne ...