Songs from film DAHEJ

ambua ki daari pe bole re koyaliya
preet na karana ajee, preet na karana ji
bole re koyaliya ...

sulag sulag main kaali bhayi
koyala bani na raakh
jal jal ke marana ajee, preet na karana ji
bole re koyaliya ...

shahad ke andar zahar bhara hai
pata nahi vo kis ne kiya hai
aahen na bharana ajee, preet na karana ji
bole re koyaliya ...

khushabu se tum mast na hona
kaanton ko haathon se na chhoona
phoolon se darana ajee, preet na karana ji
bole re koyaliya ...

jo dil pe guzarati hai dikha bhi nahi sakate
aur chaahe sunaana to suna bhi nahi sakate
jo dil pe guzarati hai (dikha bhi nahi sakate) -2
aur chaahe sunaana to (suna bhi nahi sakate) -2

honthon pe haansi aaye to (ro deteen hain aankhen) -2
gam itane sahe hain ke (bhula bhi nahi sakate) -2
jo dil pe guzarati hai ...

jalata hai jigar aur (maza leten hain shole) -2
ye aag hai ulfat ki (bujha bhi nahi sakate) -2
jo dil pe guzarati hai ...

aankhon mein chupaayen hain (muhabbat ke do aansoon) -2
dar ye hai na kho jaayen (baha bhi nahi sakate) -2
jo dil pe guzarati hai ...