Songs from film DO DOST

chup zamin aasamaan, kah sake na ye zubaa
dil hilaanevaali do doston ki daastaan

ruup donon ka samaan, do sharir ek jaan
ye dukhi to vo dukhi, vo dukhi to ye dukhi
ek rang pyaar tha, sang kaarovaar tha
do dilon ko ek dusare pe aitabaar tha
rahate vo karib the, par bade garib the
videsh mein ho laakhon, unake aise kuchh nasib the
dil ko dil se jod ke, ghar se mukhada mod ke
dhan kamaane ke liye chale vatan ko chhod ke
chup zamin aasamaan

log chhal kapat nihaaye (?), sukh mein dukhade bhar diye
chaandi ke chaand tukadon ne, dilon ke tukade kar diye
sach ko jhuuth ne thaga, ?? ka agan jaga
pith pichhe var kar dost ne diya daga
dost ne diya daga, dost ne diya daga
diya daga, diya daga
chup zamin aasamaan

pashchataap ki aag lagi to, vahi dharam phir jaaga
anyaai insaan ke dil ka, paap nikal ke bhaaga
jhuuth ka bharam khula, satya ka diya jala
josh jaan ki jagi, bura bhi ban gaya bhala
dono dost mil gaye, dil ke phuul khil gaye
pyaar ke jo taar band the, vo phir se hil gaye
kat gayi vo dushmani, dosti ke vaar se
pichhale paap mit gaye aansuon ke dhaar se

chup zamin aasamaan, kah sake na ye zubaan
dil hilaanevaali do doston ki daastaan

ye sone ki duniya ye chaandi ki duniy
yahaan aadami ki bhala baat kya hai
ye daulat ki duniya amiron ki duniya
yahaan par garibon ki auqaat kya hai
ye sone ki duniya

ye tuute dilon ke jo tukade pade hain
laga le inhein dil se vo dil kahaan hai
ye futpaath par so rahein hain musaafir
bataaye koyi inaki manzil kahaan hai
manzil kahaan hai
bina roshani ke hi inake savere
jo din hi andhere to phir raat kya hai
ye daulat ki duniya amiron ki duniya
yahaan par garibon ki auqaat kya hai
ye sone ki duniya

ye bhuukhe, ye nange ye bhikhmange bhi to
kisi dinabandhu ki santaan hain re
ye ______ javaani ke jine ka adhikaar
ye bhi ham jaise insaan hain re
insaan hain re
ye aankhein barasati hain baarahon mahine
in ashqon ke aage ye barasaat kya hai
ye daulat ki duniya amiron ki duniya
yahaan par garibon ki auqaat kya hai
ye sone ki duniya