Songs from film DOOR KA RAHI

ki: beqaraar dil, tu gaaye ja
Khushiyon se bhare vo taraane
jinhen sun ke duniyaa jhoom uThe
aur jhoom uThe dil deevaane
beqaraar dil, are tu gaaye jaa

ki: raag ho koi milan kaa, sukh se bhari sargam kaa
yug-yug ke bandhan kaa, saath ho laakhon janam kaa
aise hi bahaaren gaati rahen, aur sajte rahe veeraane
jinhen sun ke duniyaa jhoom uThe
aur jhoom uThe dil deevaane
su: beqaraar dil, tu gaaye jaa...

su: raat yuN hi tham jaayegi, rut ye hasin muskaayegi
bandhi kali khil jaayegi, aur shabnam sharmaayegi
pyaar ke vo kaise nagame, jo ban jaayen afsaane
jinhen sun ke duniyaa jhoom uThe
aur jhoom uThe dil deevaane
beqaraar dil, tu gaaye jaa

su: dard mein Doobi dhun ho, seene mein ik sulgan ho
saaNson mein halki chubhan ho, sahmi hui dhaDkan ho
dohraate rahen bas geet naye, duniyaa se rahen begaane
jinhen sun ke duniyaa jhoom uThe
aur jhoom uThe dil deevaane
beqaraar dil, tu gaaye jaa
Khushiyon se bhare vo taraane
jinhen sun ke duniyaa jhoom uThe
aur jhoom uThe dil

chalati chali jaaye, zindagi ki dagar
kabhi khatm na ho, ye safar
manzil ki use, kuch bhi na khabar
phir bhi chala jae, dur ka rahi
dur ka rahi (2) ...

mud ke na dekhe, kuch bhi na bole
bhed apane dil ka, rahi na khole
aya kahan se, kis desh ka hai
koi na jane, kya dhundhata hai
manzil ki use ...

jhalake na kuch bhi, asha nirasha
kya koi samajhe, nainon ki bhashha
chehara ki jaise, kora safa hai
qismat ne jis par, kuch na likha hai
manzil ki use ...

khushi do ghadi ki, mile na mile
shama arazu ki, jale na jale
khushi do ghadi ki ...

rahaguzar mein kai manzilen bhi milen (2)
dekh kar ek pal, dam liya phir chale
khushi do ghadi ki ...

har kadam par nae marhale the khade (2)
ham chale dil chala, dil chala ham chale
khushi do ghadi ki ...