Songs from film EK HI RAASTA (1956)

chali gori pi se milan ko chal
naina baanvariya, man mein saanvariya

daar ke kajara, lat bikhara ke
dhalate din ko raat bana ke
kangana khanakaati, bindiya chamakaati
chham-chham dole sajana ki gali

komal tan hai, sau bal khaaya
ho gayi bairan apani hi kaaya
ghuunghat khole na, munh se bole na
raah chalat sambhali sambhali

chamaka ban kar aman ka taar
prem ki dharati desh hamaara
jai jai hindustaan - 3

aman ke dushman jang ke bete, bhuul gae har chaal
atom bomb se ja takaraaya, vir javaahar laal
duniya ne ek saath pukaara, jai jai hindustaan
chamaka ban kar

jang ke haathon kitani chuudiyaan, hoti chakana chuur
jal jaata baaruud mein kitane, maangon ka sinduur
tujhase hai singaar hamaara, jai jai hindustaan
chamaka ban kar

dharati maata jhuum rahi hai, bhuuli duniya jang
kya pile kya gore kaale, mil gae tinon rang
jhanda uuncha rahe hamaara, jai jai hindustaan
chamaka ban kar

saanvale salone aaye din bahaar k
jhuumate nazaare jhuume rang ugaar ke
nadi kinaare
koi pukaare
aaya zamaana gaao git pyaar ke

jhuuum ke pavan dekho chali chali
pyaar ke nashe mein khili kali kali
phuulon ke dar se ye bhanvara pukaare
aaye divaane tere intazaar ke

dolati ghata ke sang dole jiya
baag mein papiha bole piya piya
rit rangili kahe karake ishaare
chhedo fasaane dil-e-beqaraar ke

udaate hain mere gam ki hansi tere jahaan vaal
tamaasha dekh le tu bhi tamaasha dekhane vaale

beqas ki aabaru ko nilaam kar ke chhoda
aakir tere jahaan ne badanaam kar ke chhoda

ham aansuon ko pikar baithe the muskaraane
dekha gaya na tujhase itana bhi o zamaane
chhoti si aarazu ko naakaam kar ke chhoda
beqas ki aabaru ko

pahale to gam diya phir gam ki hansi udaayi
zaalim hai teri duniya maalik teri duhaayi
tere jahaan ne tera bhi naam kar ke chhoda
beqas ki aabaru ko