Songs from film FARAAR

dil-e-naadaan ko sanbhaaloon to chale jaaiyega
ek zara hosh mein a loon to chale jaaiyega

abhi raahon mein andhera hi andhera hoga
aur andhere mein chhupa koi lutera hoga
har taraf deep jala loon to chale jaaiyega
ek zara hosh mein a loon to ...

jaan pahachaan mulaaqaat hui koob hua
meri duniya mein nai baat hui koob hua
baat se baat bana loon to chale jaaiyega
ek zara hosh mein a loon to ...

rok loon aap ko dil mein nahi aramaan aise
meri duniya mein kahaan aate hain mehamaan aise
apani duniya ko saja loon to chale jaaiyega
ek zara hosh mein a loon to ...

Main Pyaasa Tum Saawan
Main Dil Tum Meri Dhadkan
Ho Naa, Hoon To, Ho Ho Naa, Hoon To

Aankhon Ko Jab Band Karoon Main
Sapne Tumhare Aaye
Pyar Bina Ye Jeevan Phika
Sapne Ye Samjhaaye
Man Se Man Ki Dori Kaa
Tum Hi To Ho Bandhan
Ho Naa, Hoon To, Ho Ho Naa, Hoon To

Main Jab Chhedoon Dil Ke Taraane
Chupke Se Sun Lena
Yeh Naghme Hai Pyaar Ki Kaliyaan
Dheere Se Chun Lena
Tera Mera Rishta Jaise
Khushboo Aur Chandan
Hai Naa, Hain To, Hain Hai Naa, Hain To

Main Pyaasa Tum Saawan
Main Dil Tum Meri Dhadkan
Ho Naa, Hoon To, Ho Ho Naa, Hoon To

pyaar ki daastaan tum suno to kahen
kya karega sunake jahaan, tum suno to kahen

do dilon ke milane se sau diye jal jaate hain
aarzu ki manzil tak raaste sab aate hain
ham kahaan se aaye kahaan, tum suno to kahen

bas yahi to poochha tha ek din kuch sharmaake
kyon gagan yoon milata hai is zameen se ghabaraake
ho gaye sab aramaan jawaan, tum suno to kahen