Songs from film FOR DOORDARSHAN (NON-FILM)

hamaraahi daro nahin honge kaamayaab -

mushkilein har qadam hain dagar-dagar
laakhon haath ek saath saath hain magar
duur hain manzilein kar na tu fikar
chir ke andheri raat laayenge aafataab

chal re milake chal, dhun baje magan
umad-ghumad kar chha rahe baadal
ab hamein to dard ka na kauf hai zara
ham hari-bhari banaayenge vasundhara
ab to na rukana ab to na thakana
mud ke dekho na
chukaana hai hamein to ab puraana har hisaab

alag-alag dharam, alag-alag karam
alag nahin hai ham, ek sab ka gam
mazahabon ke naam pe hamein lada diya
nafaraton se rishta pyaar ka mita diya
ab to na sahana, chup nahin rahana
tumako hai qasam
milake ab likhenge ham to ek nayi kitaab

(puraane din puraane pal puraane kwaab jo pichhe chhuute hai
yaad karo na mit naya sangit naya koi git
nayi phir umang bharake aao milake gaao aaj gaao) - 2
puraane din puraane pal puraane kwaab

juda juda hokar, khoye hue ho kahaan - 2
pyaar ke rangon se, rang do ye saara jahaan - 2
har dil hai apana, kaun hai begaana
mere hamadam, bhula do tum
gira do diwaaron ko jo khadi hain
aaj hamaare bich, naya sangit naya koi git
nayi phir umang bharake aao milake gaao aaj gaao

dhiraj chhodo na, gam se na haaro kabhi - 2
jina hai tumako, hans ke jiyo zindagi - 2
desh ka har kona, kar do tum sona
sunahare din, sunahare pal
sunahare kwaab jo dekhe the wo sach
karane honge mit, naya sangit naya koi git
nayi phir umang bharake aao milake gaao aaj gaao

hindu musalamaan, sikh ho ya kristaan - 2
bhaarat maata ki, sabhi to hain santaan - 2
sabaka hai aramaan, jaage hindustaan
bhajan ke swar, shabad ke paath
ajaanon mein hai jisaka naam
sikhaai usane hamako prit, naya sangit naya koi git
nayi phir umang bharake aao milake gaao aaj gaao