Songs from film FOURTY DAYS

baithe hain rahaguzar par dil ka diya jalaay
shaayad vo dard jaane, shaayad vo laut aaye
baithe hain rahaguzar par

aakaash par sitaare chal chal ke tham gaye hain
shabanam ke sard aansu phuulon pe jam gaye hain
ham par nahin kisi par ai kaash raham khaaye
shaayad vo dard jaane, shaayad vo laut aaye
baithe hain rahaguzar par

raahon mein kho gayi hain hasarat bhari nigaahein
kab se lachak rahi hain aramaan ki narm baahein
har mod par tamanna aahat usi ki paaye
shaayad vo dard jaane, shaayad vo laut aaye
baithe hain rahaguzar par

main divaana mastaan
mushkil bhed mera pa jaana
main divaana mastaana

duniya meri thokar mein tuufaan qaid mere saagar mein
saara zamaana mera nishaana khel nahin mujhase takaraana
mushkil bhed mera pa jaana

charche mere panaghat par roke raah machal ke dilabar
mast javaani meri divaani husn mujhe dil de nazaraana
mushkil bhed mera pa jaana

dushman jhuuthe yaaron ka sachcha yaar vafaadaaron ka
yaaron sachcha yaar vafaadaaron ka
tod de patthar josh mein aakar ye dil ka naazuk paimaana
mushkil bhed mera pa jaana

h

nasib hoga mera meharabaan kabhi na kabhi
haay, kabhi na kabhi
milega usake qadam ka nishaan kabhi na kabhi
haay kabhi na kabhi, nasib

raha jo chhupake jawaan dil mein aarazu ki tarah
chala gaya jo garibon ki aabaru ki tarah
nazar to aayega vo mehamaan kabhi na kabhi
nasib hoga mera meharabaan

har ik sitam ka vafaaein jawaab maangengi
har ek buund ka aankhein hisaab maangengi
lahu pukaarega banake zubaan kabhi na kabhi
nasib hoga mera meharabaan

luti-luti si tamanna jo haath uthaayegi
chamakate chaand sitaaron ko tod laayegi
gale milenge zamin aasamaan kabhi na kabhi
nasib hoga mera meharabaan