Songs from film GAMAN

aap kee yaad, aatee rahee raatabha
chashma-ye-nam muskuraatee rahee raatabhar

raatabhar dard kee shammaa jalatee rahee
gam kee lau tharatharaatee rahee raatabhar

baasuree kee sureelee suhaanee sadaa
yaad ban ban ke aatee rahee raatabhar

yaad ke chaand dil mein utarate rahe
chaandanee zagamagaatee rahee raatabhar

koee diwaanaa galiyon mein firataa rahaa
koee aawaaj aatee rahee raatabhar

ajeeb saaneha mujh par guzar gaya yaaro
main apne saaye se kal raat dar gaya yaaro

har ek naqsh tamanna ka ho gaya dhundhala
har ek zakm mere dil ka bhar gaya yaaro

bhatak rahi thi jo kashti vo gaqr-e-aab hui
chadha hua tha jo dariya utar gaya yaaro

vo kaun tha vo kaha ka tha kya hua tha use
suna hai aaj koi shaks mar gaya yaaro

are pathik giridhari suun itni kahiyo ter
dig jhar layi raadhika ab brij bhoolat pher

aa ja sanvariya tohe garava laga lu
ras ke bhare tore nain, sanvariya
ras ke bhare tore nain

jehi chitavat tehi bas kari raakhat
naahi pade maika chain sanvariya

ras ke bhare tore nain

seene mein jalan aankhon mein tufaan saa kyon hain
is shahar mein har shaks pareshaan saa kyon hain ?

dil hain to, dhadakane kaa bahaanaa koee dhoondhe
patthar kee tarah beheesa-o-bejaan saa kyon hain ?

tanahaee kee ye kaunasee, manzil hain rafeekon
taa-hadd-ye-najar yek bayaabaan saa kyon hain ?

kyaa koee nayee baat najar aatee hain hum me
aaeenaa humei dekh ke hairaan saa kyon hain ?