Songs from film GUMRAAH (OLD)

Chalo ek baar phir se, ajnabi ban jaye ham dono -

Na main tumse koi ummeed rakhoon dilnavaazi ki
Na tum meri taraf dekho galat andaaz nazaron se
Na mere dil ki dhadkan ladkhadaaye meri baaton mein
Na zaahir ho tumhaari kashm-kash ka raaz nazaron se
Chalo ek baar phir se..

Tumhen bhi koi uljhan rokti hai peshkadmi se
Mujhe bhi log kehte hain, ki yeh jalve paraaye hain
Mere hamraah bhi rusvaaiyaan hain mere maajhi ki -2
Tumhaare saath bhi guzri hui raaton ke saaye hain
Chalo ek baar phir se..

Taarruf rog ho jaaye to usko bhoolnaa behtar
Taalluk bojh ban jaaye to usko todnaa achchha
Voh afsaana jise anjaam tak laana na ho mumkin -2
Use ek khoobsoorat mod dekar chhodna achchha
Chalo ek baar phir se..

in havaaon mein, in fizaaon mein tujhko mera pyaar pukaare
aaja aaja re, tujhko mera pyaar pukaare

ruk na paau main, khichti aaun main, dil ko jab dildaar pukaare
aaja aaja re tujhko mera pyaar pukaare

tujhse rangat, tujhse masti in jharno mein, in phoolon mein
tere dam se meri hasti jhoole chaahat ke jhoolon mein
machali jaayen shokh umange, do baahon ka haar pukaare
aaja aaja re

dil mein tere dil ki dhadkan, aankh mein teri aankh ka jaadu
lab par tere lab ke sang, saans mein teri saans ki khushbu
zulfon ka har pench bulaaye, anchal ka har taar pukaare
aaja aaja re, tujhko mera pyaar pukaare