Songs from film HAMSAYA

dil kee aawaaz bhee sun mere fasaane pe naa ja
meree nazaron kee taraf dekh zamaane pe naa jaa

ik nazar dekh le, jeene kee ijaazat de de
roothane waale woh pahalee see mohabbat de de
ishq maasoom hai, ilzaam lagaane pe naa jaa
meree nazaron kee taraf dekh zamaane pe naa jaa

waqt insaan pe aiesaa bhee kabhee aataa hai
raah mein chhod ke saayaa bhee chalaa jaataa hai
din bhee nikalegaa kabhee, raat ke aane pe naa jaa
meree nazaron kee taraf dekh zamaane pe naa jaa

main haqikat hoon, ye ik roz dikhaaoongaa tujhe
begunaahee pe mohabbat kee rulaaoongaa tujhe
daag dil ke naheen mitaten hain, mitaane pe naa jaa
meree nazaron kee taraf dekh zamaane pe naa jaa

dil kee aawaaz bhee sun mere fasaane pe naa jaa
meree nazaron kee taraf dekh zamaane pe naa jaa

wo haseen dard de do, jise main gale lagaa lo
wo nigaah muz pe daalo, ke mein jindagee banaa loo

tumhe tum se maangatee hoo, jaraa apanaa haath de do
muze aaj jindagee kee wo suhaag raat de do
jise le ke kuchh naa maangoo, aaur maang mein sajaa loo

meree aarajoo to dekho, tumhe saamane bithhaa kar
kabhee dil ke paas laakar, kabhee dilarubaa banaakar
koee daasataan sun loo, koee daastaan sunaa loo

maine pyaar ke alaawaa kabhee tum se kuchh naa maangaa
tumhe jaane kyaa samazakar, maine har kadam pe chaahaa
meraa aaj faisalaa hain tumhe humasafar banaa loo