Songs from film HAQUEEQAT

aayee ab ki saal divaali muNh par apne khoon male
aayee ab ki saal divaali
chaaroN taraf hai ghor andheraa ghar mein kaise deep jale
aayee ab ki saal divaali

baalak tarse phuljhaDiyoN ko, (deepoN ko deevaaren -2)
maaN ki godi sooni sooni, (aaNgan kaise sanvaare -2)
raah mein unki jaao ujaaloN ban mein jinki shaam Dhale
aayee ab ki saal divaali

jinke dam se jagmag jagmag (karti thi ye raaten -2)
chori chori ho jaati thi (man se man ki baaten -2)
chhoD chale vo ghar mein amaavas, jyoti lekar saath chale
aayee ab ki saal divaali

Tap-Tap Tap-Tap Tapke aaNsoo, (chhalki khaali thaali -2 )
jaane kyaa kyaa samjhaati hai (aaNkhoN ki ye laali -2)
shor machaa hai aag lagi hai kaTte hain parvat pe gale
aayee ab ki saal divaali muNh par apne khoon male
chaaroN taraf hai ghor andheraa ghar mein kaise deep jale
aayee ab ki saal divaali

khelo na mere dil se) -2, o mere saajanaa, (o saajanaa -2
khelo na, khelo na, mere dil se, khelo na mere dil se

(muskuraa ke dekhte to ho mujhe,
Gham hai kis liye nigaah mein) -2
manzil apni tum alag basaaoge,
mujhko chhoD doge raah mein
pyaar kyaa dillagi, pyaar kyaa.., khel hai
khelo na mere dil se, o mere saajanaa, (o saajanaa -2)
khelo na mere dil se

(kyuN nazar milaayee thi lagaav se,
haNske dil meraa liyaa thaa kyuN ) -2
kyuN mile the zindagi ke moD par
mujhko aasraa diyaa thaa kyuN
pyaar kyaa dillagi, pyaar kyaa.., khel hai
khelo na mere dil se, o mere saajanaa, (o saajanaa -2)
khelo na, khelo na, mere dil se
khelo na mere dil se, o mere saajanaa, (o saajanaa -2)
khelo na mere dil se