Songs from film HILL STATION

muhabbat mein tadapane se qaraar aata hai is dil k
jo zaalim dil ko tadapaaye wahi bhaata hai is dil ko

kushi ki zindagi mein gam agar thoda sa shaamil ho
to sach maano ke jine ka maza aata hai is dil ko

bhulaana bhi agar chaaho to wo bhuula nahin jaata
koyi to baat hai aisi jo yaad aata hai is dil ko

akeli shamma kab jalati hai parawaana bhi jalata hai
wo kud bhi to tadapata hai jo tadapaata hai is dil ko

nayi manzil nayi raahein naya hai maharbaan apan
na jaane jaake thaharega kahaan yah kaarvaan apana

na chamakegi jahaan bijali na aayega jahaan tuufaan
banaaenge usi daali pe jaake aashiyaan apana

bharosa hai muqaddar par tumhaara bhi sahaara hai
kahin dushman na ban jaaye yah zaalim aasmaan apana

dikhaaenge hamein yah chaand taare raah manzil ki
banate ho agar dushman to ho saara jahaan apana

vo kushnasib hain jinako yahaan qaraar mil
hamein to dil jo mila vah bhi beqaraar mila

mili hain pyaar me dar dar ki thokarein hamako
lagaaye rakhate hain sine se har ghadi gam ko
jo khatm ho na kabhi aisa intazaar mila
hamein to dil jo mila vah bhi beqaraar mila

sitam hai gam ke samandar mein har kushi duubi
hamaare ashq mein khud apani zindagi duubi
sahaara de koi aisa na ek baar mila
hamein to dil jo mila vah bhi beqaraar mila