Songs from film JORU KA BHAI

suramai raat hai sitaare hai
aaj donon jahaan hamaare hain

subah ka intezaar kaun kare - 2

phir yah rut yah sama mile na mile
aarzu ka chaman khile na khile
vaqt ka aitabaar kaun kare
subah ka intezaar kaun kare

le bhi lo ham ko apani baahon mein
ruuh bechain hai nigaahon mein
ilteja baar baar kaun kare
subah ka intezaar kaun kare

nayi raat dhalati jaati hai
ruuh gam se pighalati jaati hai

teri zulfon se pyaar kaun kare
ab tera intazaar kaun kare

tum ko apana bana ke dekh liya
ek baar aazama ke dekh liya
baar baar aitabaar kaun kare
ab tera intazaar

ai dil-e-zaar sogavaar na ho
unaki chaahat mein beqaraar na ho
haay, badanasibon se pyaar kaun kare
ab tera intazaar

(jogi re) -
tu sach batala mujhe jogi
balam se baat kab hogi
(virah ke din katenge kab) - 2
milan ki raat kab hogi
tu sach batala mujhe jogi

(hai yaad mujhe, mile the gale) - 2
gamon se duur chaand tale
(jo shaam dhale jo dip jale) - 2
kabhi to bhigi palakon mein pyaar pale
tu sach batala mujhe jogi
balam se baat kab hogi

(jiya roye hansein taare) - 2
bane hain phuul angaarey

(kiya kisane juda hamako) - 2
judaai vaale tir hamein kaun maare
tu sach batala mujhe jogi
balam se baat kab hogi