Songs from film KAAFILA - 1952

(aansu ab tum kabhi na bahanaa)-2
(apana dard kisi se na kahanaa)-2
aansu ab tum kabhi na bahana

dil ka lahu jab aankhon mein aaye
aansu banakar dhalaka jaaye
(log lahu ko paani samajhe)-2
tum palakon mein chhupake rahana
aansu ab tum kabhi na bahana
apana dard kisi se na kahana
aansu ab tum kabhi na bahana

preet ke sapane, sapana ho gaye
maut ki neend mein aramaan so gaye
angaaron ki maala pahanoon
lut gaya sukh suhaag ka gahana
aansu ab tum kabhi na bahana
apana dard kisi se na kahana
aansu ab tum kabhi na bahana

lataa: (laharon se pooch lo)-2
(ya kinaaron se pooch lo)-2
(phir bhi yakeen na ho to)-2
sitaaron se pooch lo
(laharon se pooch lo)-2

kishor: ulfat ki umangon ka chhota sa qaafila
chhota sa qaafila
dhadakan ki raah chalake, is dil se ja mila
is dil se ja mila
lataa: (phoolon ki javaani ke ubhaaron se pooch lo)-2
(sharamaaye agar phool to)-2
haaron se pooch lo
laharon se pooch lo ...

kishor: hasarat hamaari ek hai, armaaan ek hain
aji aramaan ek hain
yoon ham juda juda hain magar jaan ek hai
magar jaan ek hai
lataa: (gulshan ki bahaaron se, nazaaron se pooch lo)-2
(jhukati hui nazar ke)-2
ishaaron se pooch lo
laharon se pooch lo ...