Songs from film KUNDAN

aao hamaare hotal mei
chaay piyo ji garam-garam
biskut khaao naram-naram
jo dil chaahe maang lo hamase
sab kuchh hai bhagavaan kasam

garmi ho sharabat pikar kar lo dil ko thanda
saradi ho to kha lo bhaiya ik murgi ka anda
is hotal ke andar aakar le lo baabu naya janam

baat banegi ham donon ki puuchho vo kaise
tum honthon mein chamacha rakho ham paaket mein paise
jin qadamon par paise barasein duniya chuume vahi qadam

(jahaan waale hamein duniya mei
kyon paida kiya tuune) - 2
garibi de ke aankhein pher lin
ye kya kiya tuune
jahaan waale

(mujhe shiqawa nahin
tuune mita di zindagi meri) - 2
karam se tere takaraati
kahaan tak mufalisi meri
mere dil ki ummidein tod din
achchha kiya tuune
jahaan waale

(hamein kya ham to mar-mar kar
jiye hain aur ji lenge) - 2
hamesha kuun ke aansu
piye hain aur pi lenge
zamaane mein kud apane naam ko
rusawa kiya tuune

jahaan waale hamein duniya mein
kyon paida kiya tuune
jahaan waale

meri aankhon ke taare mere dil ke sahaar
main tere sadaqe main tere sadaqe

nain mein mere teri na dahari
man hai tera bichauna
khel rahi meri aasha tujhase
tu hai mera khilauna
ab saanjh sakhaare dil ye pukaare
main tere sadaqe main tere sadaqe

raat ka chanda din ka suuraj
ho~ teri jyot se jaage
jivan ki bagiya mein
tujhako meri umar bhi laage
sada sundar pyaare din tu guzaare
main tere sadaqe main tere sadaqe

naujavaan
naujavaano bhaarat ki taqadir bana do - 2
phuulon ke is gulashan se kaanton ko hata do

tod ke saare jaal videshi kar lo desh ko apana
rah jaaye na dekho adhuura koyi sundar sapana
ghar mein aag lagaaye jo dipak usako bujha do
phuulon ke is

ham bhaarat ke vaasi kyon hon duniya mein sharminda
desh ke kaaran maut bhi aaye phir bhi rahenge zinda
jay-jay hind ke naaron se dharati ko hila do
phuulon ke is

apane saath hai kaise-kaise balavaanon ki shakti
shri javaahar laal ki himmat baapu ji ki bhakti
desh ka jhanda jag mein uuncha karake dikha do
phuulon ke is

shikaayat kya karuun donon taraf gam ka fasaana ha
mere aage muhabbat hai, tere aage zamaana hai

pukaara hai tujhe manzil ne lekin main kahaan jaayuun
bichhadakar teri duniya se kahaan mera thikaana hai

mubaarak ho tujhe jaan-e-vafa majabuuriyaan teri
mujhe to zindagi bhar pyar ka vaada nibhaana hai

ye bahaaron ke di
ye suhaana samaan - 2
(ab to sun lijiye
pyaar ki daastaan) - 2
ye bahaaron ke din
ho ho ho
ha ha ha

o o o
aaj gaate chalo
muskuraate chalo
mastiyaan zindagi ki lutaate chalo
ab nahin koyi gam
apani manzil pe ham
a gaye hain sanam
donon saathi mile
ban gaya kaaravaan - 2

(ab to sun lijiye
pyaar ki daastaan) - 2
ye bahaaron ke din
ho ho ho
ha ha ha
a aa aa

shouting
shouting, twice

a aa aa
ho o o
tum hamaare huye
ham tumhaare huye
mil gaye do mohabbat ke maare huye
tere dam se sanam
hai ye dil ka chaman
pyaar ki anjuman
zindagi hai hasin
aarazu hai jawaan - 2

ab to sun lijiye
pyaar ki daastaan
ye bahaaron ke din
ho ho ho
ha ha ha

ye bahaaron ke din
ye suhaana samaan
(ab to sun lijiye
pyaar ki daastaan) - 2
ye bahaaron ke din
ho ho ho