Songs from film LAL KUNWAR

nigaahen kyon milaai theen agar yoon chhod jaana tha -2
ummeeden kyon jagaai theen -2
agar dil ko jalaana tha

kushee maangi thi hamane gam se daaman bhar diya toone -2
are o jaane waale -2
haay ye kya kar diya toone
muhabbat ki qasam hamane tujhe aisa na jaana tha
nigaahen kyon milaai theen agar yoon chhod jaana tha

chale aavo tumhen is dil ki aahen yaad karati hain -2
jo sooni ho gaeen tum bin wo raahen yaad karati hain
mile kyon the agar milana bichhadane ka bahaana tha
nigaahen kyon milaai theen agar yoon chhod jaana tha
ummeeden kyon jagaai theen -2
agar dil ko jalaana tha

preet sataaye teri yaad na jaaye teri
dil de ke gam le liya

zahar bhari ye kaisi baji shahanaai
thes jiya pe laagi aankh bhar aai
a re balam tere gam ki duhaai
dil de ke gam ...

roothe naseebon ko kaise manaayen
chhota sa dil aur laakhon balaayen
ghut ke gam se kaheen mar na jaayen
dil de ke gam ...

tum jo mile, tum jo mile
aarazu ko dil ki raah mil gayi
ek aas mil gayee, re, ik salaah mil gayi
tum jo mile ...

bholee-bhaali dhadakanon ka aaj dhang aur hai
zindagi vahi hai zindagi ka rang aur hai
aaj dhang aur hai
ang ang jhoom utha jab nigaah mil gayi
tum jo mile ...

aaj meri choodiyon ke saaz gunguna uthe
jaane kitane kvaab ek saath muskura uthe
aaj muskura uthe
bachapan se jis ki chaah thi vo chaah mil gayi
tum jo mile ...