Songs from film MADMAST

kab bit gayi jivan ki suba
ye jaan na main to paayi re
bujh gaye dip aashaaon ke
ye kaisi aandhi aayi re - 2
kab bit gayi

duniya ne mera duniya mein
sukh chain hai mujhase chhin liya - 2
qisamat ne khushi ki kaliyon ko
hai man upavan se bin liya - 2
ab kisako pukaaruun sunata nahin
dukhiya ki koi duhaayi re - 2
kab bit gayi

jab laakhon the sunanevaale
tab kahane ko thi baat nahin - 2
ab laakhon baatein kahani hai
aur sunanevaala saath nahin - 2
main puuchhuun kise jaakar ke prabhu - 2
ye kisane aag lagaayi re - 2
kab bit gayi

sunaayein haal-e-dil kya ham hamaar
muqaddar ban gaya dushaman hamaara

kizaan banakar ujaada beraham ne
yah laharaata huwa gulashan hamaara

giraakar aag baadal ki ghata se
jalaata hai yah dil saavan hamaara