Songs from film MALLIKA-E-GAM

do dil toote do dil haare duniyaan waalon sadake tumhaare -
do dil toote do dil haare

dekhegi mukhada apana ab se jawaani dil ke daag mein
barasega kaise saawan kaise padenge jhule baag mein
bain karenge kwaab kunwaare
do dil toote do dil haare

main na rahungi lekin gunjenge aahen mere gaanv mein
ab na khilegi sarason ab na lagegi mehandi paanv mein
ab na ugenge chaand sitaare
do dil toote do dil haare

pyaar tumhaaraa dekha - 2
dekha tumhaara aankhen modana
tod ke jaanaa dil ko khel nahin hai dil ka todana
tadapoge tum bhi saath hamaare
do dil toote do dil haare duniyaan waalon sadake tumhaare
do dil toote do dil haare
do dil toote do dil haare duniyaan waalon sadake tumhaare
sadake tumhaare

is zamaane mein is mohabbat mein
kitane dil tode kitane ghar phunke

jaane kyon log muhabbat kiya karate hain - 2
dil ke badale dard-e-dil liya karate hain
jaane kyon log muhabbat kiya karate hain

tanhaayi milati hai mahafil nahi milati
raahen muhabbat mein kabhi manzil nahin milati
dil toot jaata hai naakaam hota hai
ulfat mein logon ka yahi anjaam hota hai
koyi kya jaane kyon ye parawaane
kyon machalate hain gum mein jalate hain
aahen bhar bhar ke deewaane jiya karate hain - 2
jaane kyon log muhabbat kiya karate hain

saavan mein aankhon ko kitana rulaati hai
furakat mein jab dil ko kisi ki yaad aati hai
ye zindagii yoon hi barabaad hoti hai
har waqt honthon pe koyi fariyaad hoti hai
na dawaaon ka naam chalata hai
na duaawon se kaam chalata hai
zehar ye phir bhi sabhi kyon piya karaten hain - 2
jaane kyon log muhabbat kiya karate hain

mehaboob se har gum manasoob hota hai
din raat ulfat mein tamaasha khoob hota hai
raaton se bhi lambe ye pyaar ke kisse
aashiq sunaate hain zafa ye yaar ke kisse
bemuravvat hai bevafa hai vo
us sitamagar ka apane dilabar ka
naam le le ke duhaayi diya karate hain - 2
jaane kyon log muhabbat kiya karate hain