Songs from film NAGHMA-E-DIL (NON FILM)

aaj ruuthe huye saajan ko bahut yaad kiy
apane ujade huye gulashan ko bahut yaad kiya

jab kabhi gardish-e-taqadir ne ghera hai hamein
gesu-e-yaar ki ulajhan ko bahut yaad kiya

jisake maathe pe nayi subaho ka jhummar hoga
hamane us waqt ki dulhan ko bahut yaad kiya

aaj tuute huye sapanon ki bahut yaad aayi
aaj bite huye saawan ko bahut yaad kiya

ham sar-e-tuur bhi maayuus-e-tajalli hi rahe
us dar-e-yaar ki chilaman ko bahut yaad kiya

guzar to jaayegi tere bagair bhi leki
bahut udaas bahut beqaraar guzaregi

bhuuli huyi sada huun mujhe yaad kijiye
tumase kahin mila huun mujhe yaad kijiye

manzil nahin huun kizr nahin raahazan nahin huun
manzil ka raasta huun mujhe yaad kijiye

meri nigaah-e-shauq se har gul hai devata
main ishq ka kuda huun mujhe yaad kijiye

nagmon ki ibtida thi kabhi mere naam se
ashqon ki intihaan huun mujhe yaad kijiye

gumasum khadi hain donon jahaan ki haqiqatein
main unase kah raha huun mujhe yaad kijiye

' saagar' kisi ke husn-e-tagaaful-sha_aar ki
bahaki huyi ada huun mujhe yaad kijiye

chaaraagar gaya ho jais
ab to marana bhi dawa ho jaise

mujhase bichhada tha wo pahale bhi magar
abake ye zakm naya ho jaise

mere maathe pe tere pyaar ka haath
ruuh par dast-e-saba ho jaise

yuun bahut hans ke mila tha lekin
dil hi dil mein wo kafa ho jaise

dekha idhar udhar to ye thokar lagi mujh
apani hi chaap raah ka patthar lagi mujhe

bhadaka hua tha sholaa-e-ehasaas is qadar
sahara ki dhuup saaye se behatar lagi mujhe

taqasim ho gaya huun main kairaat ki tarah
duniya kisi faqir ki chaadar lagi mujhe

yuun dil bujha ke kuun se uthane laga dhuvaan
uthate dhuvein ki lau tera paikar lagi mujhe

pathara chala hai jism bhi aankhon ke saath saath
wo zalb-e-intazaar ' muzaffar' lagi mujhe

ek nagma ek taara ek guncha ek jaa
ai gam-e-dauraan gam-e-dauraan tujhe mera salaam

zulf aawaara garebaan chaak ghabaraayi nazar
in dinon ye hai jahaan mein zindagaani ka nizaam

chand taare tuut kar daaman mein mere aa gire
mainne puuchha tha sitaaron se tere gam ka maqaam

pad gayin pairaahan-e-subah-e-chaman par salawatein
yaad aa kar rah gayi hai bekudi ki ek shaam

teri ismat ho ke ho mere hunar ki chaandani
waqt ke baazaar mein har chiz ke lagate hain daam

mahafil mein baar baar kisi par nazar gay
hamane bachaayi laakh magar phir udhar gayi

unaki nazar mein koyi jaaduu zuruur hai
jis par padi usi ke jigar tak utar gayi

us bewafa ki aankh se aansuu chhalak pade
hasarat bhari nigaah bada kaam kar gayi

unake jamaal-e-ruk pe unhin ka jamaal tha
wo chal diye to raunak-e-shaam-o-sahar gayi

unako kabar karo ke hai ' bismil' qarib-e-marg
wo aayenge zuruur jo un tak kabar gayi

waqt ki umr kya badi hog
ik tere wasl ki ghadi hogi

dastakein de rahi hai palakon par
koyi barasaat ki jhadi hogi

kya kabar thi ke nok-e-kanjar bhi
phuul ki ek pankhadi hogi

kyuun girah gesuon mein daali hai
jaan kisi phuul ki adi hogi

iltaja ka malaal kya kije
unake dar par kahin padi hogi

maut kahate hain jisako ai ' saagar'
zindagi ki koyi kadi hogi