Songs from film PYAR KI PYAS

cho
pyaar ki pyaas pyaar ki pyaas
rafi:
kyaa dharati aur kyaa aakaash sabako pyaar ki pyaas
cho:
pyaar ki pyaas pyaar ki pyaas
lata:
saritaa ko saagar ki pyaas
saagar mein laharon kaa waas
laharen uth-uth jaanaa chaahen
punam ke chandaa ke paas
man se man ko har jivan ko -2
ek aas vishvaas
cho:
pyaar ki pyaas pyaar ki pyaas
rafi:
pahali kiran ko chhukar ke
phul chaman kaa khil jaataa hai
ek pyaar ke chumban se
jad patthar bhi hil jaataa hai
lata:
jug-jug ke pyaase chaatak ko -2
ek bund ki aas
cho:
pyaar ki pyaas pyaar ki pyaas
lata:
laakhon taaron ki aankhen
raat ko bhar-bhar aati hain
bhor bhaye to kaliyon par
shabanam jhar-jhar jaati hai
praan kaa patajhad pal-pal dhundhe -2
jivan kaa madhumaas
cho:
pyaar ki pyaas pyaar ki pyaas
rafi:
pyaasaa pyaasaa jag saaraa
pyaasi jag ki har dhaaraa
mahaa pyaar ki pyaas liye
pyaasaa khud shrijanahaaraa
pyaas ki dharati par ishwar ne -2
likhaa shrishti itihaas
cho:
pyaar ki pyaas pyaar ki pyaas

lata
kahaan chhupe ho man ke mitawaa nainaa bhaye udaase
chhalak rahaa hai sukh kaa saagar hum pyaase ke pyaase
ho ho -2
saawan ke jhule pade -2
sainyaa ji hamen tum kahaan bhule pade
talat:
ye nainaa jo tumase lade gori ji
tori palakan ke niche khade
lata:
saawan ke jhule pade
tum nahin aaye hamako bhule
hamare anganaa phulawaa naa phuule
hamako akeli dekh saheli
kahati hai kyun naa khilati chameli
belariyaa naa mandave chadhe to -2
sainyaa ji hamen tum
talat:
ye nainaa jo tumase
lata:
saawan ke jhule pade
talat:
tore dil mein hamaraa dil hai
jaise tore nain meen til hai
hamare milan bin ye manabhaavan
saawan bhi to kyaa hai saawan
pipal ke patave jhade o -2
ye tore-more jab tak naa nainaa lade
do:
saawan ke jhule pade