Songs from film SAHARA

andhon pe daya karana daata
apani aankhon ki tumako qasam
is jholi ko bharana daata
apani aankhon ki tumako qasam

(chhin jaati hai jinaki ye jyoti
rah jaate hain thokar khaane ko)-2
lut jaati hai unaki sab khushiyaan
(gam rahata hai dil bahalaane ko)-2
andhon pe daya karana daata ...

(hamase na churaao na yoon aankhen
is dharati ki hi santaan hain ham)-2
mohataaj sahi laachaar sahi
(phir bhi to are inasaan hain ham)-2
andhon pe daya karana daata ...

(ai maalik tu apani duniya mein
kisi bande ko yoon majaboor na kar)-2
dene ko to de de har dukhada
ye aankhen magar benoor na kar
andhon pe daya karana daata ...

ban ke suhaagan rahi abhaagan
rooth gai taqadeer meri
apani hi taqadeer ke aage
chal na saki tadabeer meri

aane ko to aayeen bahaaren
lekin main barabaad hui
basate basate ujad gai main
ye kaisi bedaad hui
banate banate bigad gai hai
sapanon ki tasaveer meri

manzil tak pahoonchi to manzil
aur bhi mujh se door hui
hansate hansate meri qismat
rone pe majaboor hui
aaj zamaana hua begaana
koi na samajhe peer meri