Songs from film SANJOG

bhoolee huyee yaadon, muze itanaa naa sataa
ab chain se rahane do, mere paas naa aao

daaman mein liye baithhaa hoo, toote huye taare
kab tak main jioongaa yoo hee, khwaabon ke sahaare
diwaanaa hoo, ab aaur naa diwaanaa banaao

looto naa muze is tarah, doraahe pe laa ke
aawaaj naa do yek nayee raah dikhaa ke
sanbhalaa hoo main giragir ke, muze fir naa giraao

roop ye teraa jisne banaayaa v
(kahin mil jaaye to haath choom looN) - 2
rang ye teraa jisne sajaayaa vo
kahin mil jaaye to haath choom looN
roop ye teraa

kaari kaari ratiyaaN se kaajal churaayaa
teri pyaari pyaari akhiyon mein lagaayaa
aa ha ha haa haa, a ha haa haa, ey hey hey
mukh pe saveraa jisne sajaayaa vo
kahin mil jaaye to haath choom looN
roop ye teraa

sundar aisi koi kavitaa nahin hai
chanchal aisi koi saritaa nahin hai
aa ha ha haa haa, a ha haa haa, ey hey hey
ang ang teraa jisne banaayaa vo
kahin mil jaaye to haath choom looN
roop ye teraa

goraa badan jaise shishe kaa pyaalaa
ban gayaa mai to bin piye matvaalaa
ey hey hey hey hey, uhn hooN hooN hooN, ey hey hey
haal ye meraa jisne banaayaa vo
kahin mil jaaye to haath choom looN
roop ye teraa

Woh bhooli dastaan lo phir yaad aa gayi -
Nazar ke saamne ghata si chhaa gayi -2
Woh bhooli dastaan lo phir yaad aa gayi

Kahan se phir chale aaye, yeh kuchh bhatke hue saaye
Yeh kuchh bhoole hue nagme, jo mere pyaar ne gaye
Yeh kuchh bhichhdi hui yaadein, yeh kuchh toote hue sapne
Paraaye ho gaye to kya, kabhi yeh bhi to the apne
Na jaane inse kyun milkar, nazar sharma gayi
Woh bhooli dastaan lo phir yaad aa gayi

Ummeedon ke haseen mele, tamannaaon ke woh rele
Nigaahon ne nigaahon se, ajab kuchh khel the khele
Hawa mein zulf lehrayi, nazar pe bekhudi chhaai
Khule the dil ke darwaaze, mohabbat bhi chali aayi
Tamannaaon ki duniya par, jawaani chhaa gayi
Woh bhooli dastaan lo phir yaad aa gayi

Bade rangeen zamaane the, taraane hi taraane the
Magar ab poochhta hai dil, woh din the yaa fasaane the
Faqat ik yaad hai baaki, bas ik fariyaad hai baaki
Woh khusiyan loot gayi lekin, dil-ye-barbaad hai baaki
Kahan the zindagi meri, kahan par aa gayi
Woh bhooli dastaan lo phir yaad aa gayi
Nazar ke saamne ghata si chhaa gayi -2
Woh bhooli dastaan lo phir yaad aa gayi..