Songs from film SHEROO

jidhar dekhataa huun udhar hain andher
saveraa kahaan hai o bhagavaan mere

agar teri duniyaa mein ye gam rahenge
to phir teri duniyaa mein kyaa ham rahenge
agar teri duniyaa

hain tere jahaan mein kahin to bahaaren
kahin uth rahin hai gamon ki pukaaren
yahi zindagi hai to kyaa kush rahenge
agar teri duniyaa

naa itanaa sataa tujhe ham bataa den
ye aahon ke shole naa tujhako jalaa den
bataa kab talaq ye sitam ham sahenge
agar teri duniyaa

rahegaa sitam kaa agar ye andheraa
to mit jaayegaa naam duniyaa se teraa
hai maalik bhi jhuuthaa sabhi ye kahenge
agar teri duniyaa

jis karani se maalik ruuthe kabhi na kar vo kaa
kabhi na le tuu kisi se badalaa teraa badalaa lenge raam

o maati ke putale
itanaa na kar tuu gumaan pal bhar kaa tuu mehamaan
o maati ke putale

tuune prabhuu ko dhan mein dhuundhaa
kabhi na apane man mein dhuundhaa
bhuul gayaa maayaa ke bande tujh mein base bhagavaan
o maati ke putale

maalik se kuchh chhupaa nahin hai kaun hai jag mein kaisaa
maalik to hai pyaar kaa bhuukhaa log chadhaayen paisaa
dhan ke lobhi ye naa jaanen kyaa maange bhagavaan
o maati ke putale

jag hai vo hi banaane vaalaa
tuu hai kaun mitaane vaalaa
chhod de usape saari baaten o muurakh insaan
o maati ke putale

nainon mein pyaar dole, dil kaa qaraar dol
tum jab dekho piyaa, meraa sansaar dole
nainon mein pyaar

(jaaye kabhi naa mere ji se lagan teri
hoke rahuungi main to aise sajan teri) - 2
kaliyon ke saath jaise bhanvaron kaa pyaar dole
tum jab dekho piyaa, meraa sansaar dole
nainon mein pyaar dole, dil kaa qaraar dole
tum jab dekho piyaa, meraa sansaar dole

(tumane basaayaa mujhe apani nigaahon men
phool khilaayen meri prit ki raahon men) - 2
ankhiyon mein pyaar bharaa nayaa iqaraar dole
tum jab dekho piyaa meraa sansaar dole
nainon mein pyaar dole, dil kaa qaraar dole
tum jab dekho piyaa, meraa sansaar dole

nainon mein pyaar dole