Songs from film SHIKAST

bujh gaye aashaa ke diye man andhiyaaraa hoy
lut gaye moti naaz ke sip bichaari roye
sab dushaman ik jaan ke
badale rang jahaan ke - 2

dekh andheri raat jiyaravaa kaanpe dar se
jhuume sankat ka baadaravaa garaje barase
jaal bichhe tuufaan ke
badale rang jahaan ke - 2

hont sile buujhe do nainaa kuchh na kahuun main
tan pe tir phuul se man pe aag sahuun main
sab chup hain sab jaanake
badale rang jahaan ke - 2

ghaayal hirani si ghabaraauun gam ki maari
apanaa kaun pukaaren jisako abalaa naari
nain band bhagavaan ke
badale rang jahaan ke - 2

ham kathaputalen kaath k
hamen tuu naach nachaayen
uunche aasan pe baith ke
apanaa dil bahalaaye

ham to hain khel khilaune
khelo ji bhar ke raam
dukh yaa sukh jo bhi chaaho
le lo ji bhar ke raam
khelo ji bhar ke raam

har pal chanchal man naache
har pal aashaa divaani
lekin har sapanaa tuute
rah jaaye dard nishaani
chhup chhup karani karate ho
dil me ghar kar ke raam
dukh yaa sukh jo bhi chaaho
le lo ji bhar ke raam
khelo ji bhar ke raam

kab tak ye dil bahakegaa
dhokhaa dengi ye ankhiyaan
kab tak chhedengi man ko
aashaa ki natakhat katiyaan
apani chhaayaa se dar ke
dil kaahe dhadake raam
dukh yaa sukh jo bhi chaaho
le lo ji bhar ke raam
khelo ji bhar ke raam

Talat
jab-jab phuul khile - 2
tujhe yaad kiyaa hamane, jab-jab phuul khile

Lata:
dekh akelaa hamen - 2
hamen gher liyaa gam ne, jab-jab phuul khile

man ko mainne laakh manaayaa par ab to hai vo bhi paraayaa - 2
zakm kiye naasuur - 2
teri yaad ke maraham ne
jab-jab phuul khile

Talat:
milane ke hain laakh bahaane lekin man kaa mit na maane - 2
dil todaa har baar - 2
mere bhole hamadam ne
jab-jab phuul khile

Lata:
patthar dil taqadir mili hai pairon mein zanjir mili hai - 2
raaz mere dil ke - 2
kahe roke shabanam ne
jab-jab phuul khile

la
ho o o
nayi zindagi se pyaar kar ke dekh
isake ruup kaa singaar kar ke dekh
isape jo bhi hai nisaar kar ke dekh
nayi zindagi se pyaar kar ke dekh
ko:
nayi zindagi se

la:
nind se dharati ko jo jagaayegaa zamin ko jo jagaayegaa
ko:
zamin ko jo jagaayegaa
la:
bij aansuon ke jo bichhaayegaa jo mehanaten lutaayegaa
ko:
jo mehanaten lutaayegaa
la:
phuul usake aangan mein muskuraayegaa muskuraayegaa
ko:
phuul usake aangan mein muskuraayegaa muskuraayegaa
la:
aur chaar din guzaar kar ke dekh
ko:
nayi zindagi se pyaar kar ke dekh
la:
isape jo bhi hai nisaar kar ke dekh
ko:
nayi zindagi se pyaar kar ke dekh

la:
gaa rahi hai dharati git pyaar ke suhaane git pyaar ke
ko:
suhaane git pyaar ke
la:
din guzar chuke hain intazaar ke ho tere intazaar ke
ko:
ho tere intazaar ke
la:
chup na rah papihe ye man ko maar ke man ko maar ke
ko:
chup na rah papihe man ko maar ke man ko maar ke
la:
aayenge piyaa pukaar kar ke dekh
ko:
nayi zindagi se pyaar kar ke dekh
la:
aayenge piyaa pukaar kar ke dekh
ko:
nayi zindagi se

raat jaag ke nikaaluun tere intazaar me
aankh chaand se lagaa luun tere intazaar men

tuu aajaa tuu aajaa khule hain dil ke raaste
na paa sakuun naa kho sakuun main phir bhi tere vaaste
dip yaad ke jalaauun tere intazaar men
raat jaag ke nikaaluun

nazar jhuke zubaan ruke ho jab bhi teraa saamanaa
na kah sakuun na rah sakuun padaa hai dil ko thaamanaa
chain umr bhar naa paauun tere intazaar men
raat jaag ke nikaaluun

sapanon ki suhaani duniyaa ko
aankhon mein basaanaa mushkil hai
apanon se bataanaa mushkil hai
gairon se chhupaanaa mushkil hai

meraa bachapan bit chukaa hai
dil kaa ladakapan baaki hai
main apane aap ko samajhaa luun
par dil ko manaanaa mushkil hai
sapanon ki suhaani duniyaa ko

ehasaan teraa kaise bhuuluun
tere gam ke sahaare zindaa huun
varanaa in jaati saanson kaa
phir laut ke aanaa mushkil hai
sapanon ki suhaani duniyaa ko

raah kisi ki hui na roshan
meraa jalanaa yuun hi gayaa
ham aag lagaa baithe hain magar
ye aag bujhaanaa mushkil hai
sapanon ki suhaani duniyaa ko

tuufaan mein ghiri hain meri taqadir ki raahe
roti hain mere haal pe saavan ki ghataayen
tuufaan mein ghiri hain

raste pe chaluun kaun se dil tuu hi bataa de
manzil meri benaam hai tuu raah dikhaa de
duniyaa mein mili hain mujhe jine ki sazaayen
tuufaan mein ghiri hain

jitani bhi hamen paas vo manzil nazar aayi
utani hi hamen aur bhi mushkil nazar aayi
ye gam bhi pareshaan hain kyaa haal bataayen
tuufaan mein ghiri hain