Songs from film TAANGEWALI

la: halke halke chalo saanvare
pyaar ki mast havaaon mein
dil ko ye dar hai pahala safar hai
in alabeli raahon me

he: halke halke chala na jaaye
pyaar ki mast havaaon mein
jab tak hai dam chalo chalen ham
daal ke baahen baahon mein ...

la: badhane lagi dil ki dhadakan
dol raha kyon mera tan man, haay mera tan man
he: tu hi bata chain kahaan jab laagi lagan
dil bhi hai teraa, jaan bhi hai teri
jab se basi ho nigaahon mein ...

he: tu manzil main raahi tera
tere bina kya jeena meraa, kya jeena mera
la: toote kabhi na chhute kabhi ye saath piya
pyaar ki qasam, sang rahenge ham
neel gagan ki chhaanv mein ...

rimajhim-rimajhim barakha barase nain more tarase
a ja a ja ghar more piya
san-san hava dole ghoonghat mora khole laage na jiya

aasha ke dvaar khadee-khadi
raah teri dekhoon ghadee-ghadi
tarasaaye saavan ki jhadi
tere bin soona jag saanvariya
san-san hava dole ...

aao ji ghar more piya kaanon mein kuch samajhaaoon
man mein hai baat kuch aisi kahate hue sharamaaoon
chhoti si tasveer tori phirati hai ankhiyon mein meri
neend mein bol rahi lori kyaa-kya maine sapane sajaaye rasiya
san-san hava dole ...

aanchal hava mein uda jaaye mukhade pe lat laharaaye
jaise naagan bal khaaye aaja sulajha lat saanvariya
san-san hava dole ...