Songs from film TAJ MAHAL

aa aa.., aa aa a
jurm-e-ulfat pe hamen log sazaa dete hain -2
kaise naadaan hain, sholoN ko havaa dete hain
kaise naadaan hain

hamse deevaane kahin tarke vafaa karte hain -2
jaan jaaye ke rahe baat nibhaa dete hain
jaan jaaye

aap daulat ke taraazoo mein diloN ko taulen -2
ham mohabbat se mohabbat kaa silaa dete hain
ham mohabbat se

taKht kyaa cheez hai aur laal-o-javaahar kyaa hai -2
ishq vaale to Khudaai bhi luTaa dete hain
ishq vaale

hamne dil de bhi diyaa ehd-e-vafaa le bhi liyaa -2
aap ab shauq se deden jo sazaa dete hain
jurm-e-ulfat pe hamen log sazaa dete hain

khudaa-e-bartar teri zamin par, zamin ki khaatir ye jang kyoN ha
har ek fatah-o-zafar ke daaman pe Khoon-e-insaaN kaa rang kyoN hai
khudaa-e-bartar teri zamin par, zamin ki khaatir ye jang kyoN hai

zamin bhi teri, hain ham bhi tere, ye milkiyat kaa savaal kyaa hai
ye qatl-o-KhooN kaa rivaaz kyoN hai, ye rasm-e-jang-o-jadaal kyaa hai
jinhe talab hai jahaan bhar ki, unhi kaa dil itnaa tang kyoN hai
khudaa-e-bartar teri zamin par, zamin ki khaatir ye jang kyoN hai

Ghareeb maaNo shareef behnoN ko amn-o-izzat ki zindagi de
jinhe ataa ki hai tu ne taaqat, unhe hidaayat ki roshni de
saroN mein kibr-o-Ghuroor kyoN hain, diloN ke sheeshe pe jang kyoN hai
khudaa-e-bartar teri zamin par, zamin ki khaatir ye jang kyoN hai

Khazaa ke raste pe jaanevaaloN ko bach ke aane ki raah denaa
diloN ke gulshan ujaD na jaaye, muhabbatoN ko panaah denaa
jahaaN mein jashn-e-vafaa ke badle, ye jashn-e-teer-o-tafang kyoN hai
khudaa-e-bartar teri zamin par, zamin ki khaatir ye jang kyoN hai

khudaa-e-bartar teri zamin par, zamin ki khaatir ye jang kyoN hai
har ek fatah-o-zafar ke daaman pe Khoon-e-insaaN kaa rang kyoN hai
khudaa-e-bartar teri zamin par, zamin ki khaatir ye jang kyoN hai

su: na na na re na na, haath na lagaana
tose baar baar kahooN mohe na sataanaa
dooNgi gaariyaaN
mi: roop ye suhaanaa, uspe ye baalaa
gori tori akhiyaaN hai rang kaa khazaanaa
laage pyaariyaaN

su: bhaiyaa moraa gabroo hai, ( sainyaa moraa baaNkaa ) -2
chaalengi kaTaaren tere ( muD ke jo jhaaNkaa ) -2
royegaa tor khaDaa na na jaan ganvaanaa ye ( mainn bolooN ) -2
main dooNgi gaariyaaN
na na na re n`a na, haath na lagaanaa
tose baar baar kahooN mohe na sataanaa
dooNgi gaariyaaN

mi: nainoN ki kaTaari laage, ( man pe jo thaari ) -2
gensoo jhuke jo tori ( chhab matvaari ) -2
roop jhalak dikhlaanaa nahin tarsaanaa
o na bolo ye batiyaaN na bolo gaariyaaN
roop ye suhaanaa, uspe ye baalaa
gori tori akhiyaaN hai rang kaa khazaanaa
laage pyaariyaaN

su: roop ke khazaane pe hai ( sainyaa ji kaa pahraa ) -2
jiven more saiyaaN jaase ( pyaar moraa gahraa ) -2
tu hai puruSh anjaanaa, binaa pahchaanaa
re ( main bolooN ) -2
main dooNgi gaariyaaN
mi: roop ye suhaanaa, uspe ye baalaa
gori tori akhiyaaN hai rang kaa khazaanaa
laage pyaariyaaN
su: na na na re na na, haath na lagaanaa
tose baar baar kahooN mohe na sataanaa
dooNgi gaariyaaN

ra: paaNv chhoo lene do phooloN ko inaayat hogi, inaayat hog
varnaa hamko nahin, inko bhi shikaayat hogi
shikaayat hogi

la: aap jo phool bichhaayen unhen ham Thukraayen - 2
hamko Dar hai
hamko Dar hai ke ye tauheen-e-muhabbat hogi, muhabbat hogi

ra: dil ki bechain umangoN pe karam farmaao - 2
itnaa ruk ruk
itnaa ruk ruk ke chaloge to qayaamat hogi, qayaamat hogi
paaNv chhoo lene do phooloN ko inaayat hogi, inaayat hogi

la: sharm roke hai idhar, shauq udhar khinche hai - 2
kyaa Khabar thi
kyaa Khabar thi kabhi is dil ki ye haalat hogi
ye haalat hogi

ra: sharm gairoN se huaa karti hai apnoN se nahin - 2
sharm ham se
sharm ham se bhi karoge to museebat hogi, museebat hogi
paaNv chhoo lene do phooloN ko inaayat hogi, inaayat hogi
la: hamko Dar hai ke ye tauheen-e-muhabbat hogi, muhabbat hogi