Songs from film TAREEF US KHUDA KI

ab toh mere khuda mujhe jalwa dikhaaiye
apne namaaziyon ka kaha maan jaaiye

kuch keh rahi hain aap se seene ki dhadakanen
mera nahi to dil ka kaha maan jaaiye
apne namaaziyon ka kaha maan jaaiye

main jaanta hoon tu bada rahamat-navaaz hai
sab ke dilon pe raham ka jaadu jagaaiye
apne namaaziyon ka kaha maan jaaiye

muddat se tishnagi hai tumhaare jamaal ki
noor-e-kamaal se zara parda uthaaiye
apne namaaziyon ka kaha maan jaaiye

chiraag dil ke jalaao ki eed ka din hai
taraane jhoom ke gaao ki eed ka din hai

gamon ko dil se bhulaao ki eed ka din hai
kushi se bazm sajaao ki eed ka din hai
taraane jhoom ke gaao ki eed ka din hai

huzuur us ke karo ab salaamati ki dua
sar-e-niyaaz jhukaao ki eed ka din hai
taraane jhoom ke gaao ki eed ka din hai

sabhi muraaden ho pooreen har ek savaali ki
dua ko haath uthaao ki eed ka din hai
taraane jhoom ke gaao ki eed ka din hai

duniya se dil laga kar duniya se kya milega
yaad-e-khuda kiye jaa, tujh ko khuda milega

daulat ho ya hukuumat, taaqat ho ya jawani
har cheez mitne wali, har cheez aani-jaani
ye sab gurur ek din mitti mein ja milega
yaad-e-khuda kiye jaa, tujh ko khuda milega

aata nahi palat kar guzra hua zamana
kya khwab ka bharosa, kya maut ka thikana
ye zindagi ganva kar kya faayada milega
yaad-e-khuda kiye jaa, tujh ko khuda milega

madeene ko jaayen ye ji chaahata hai
muqaddar banaayen ye ji chaahata hai

madeene ke aaqaa, do alam ke maula
tere paas aayen ye ji chaahata hai
madeene ko jaayen ye ji chaahata hai

jahaan donon aalam hain mahv-e-tamanna
vahaan sar jhukaayen ye ji chaahata hai
madeene ko jaayen ye ji chaahata hai

muhammad ki baaten, muhammad ki seerat
sune aur sunayen ye ji chaahata hai
madeene ko jaayen ye ji chaahata hai

Sunte hain ke mil jaati ha
har cheez dua se
Ek roz tumhain maang ke
dekhenge Khuda se

Duniya bhi mili hai,
gham-e-duniya bhi mila hai
Vo kyon nahin milta
jise maanga tha khuda se

Sunte hain ke mil jaati hai
har cheez dua se
Ek roz tumhain maang ke
dekhenge khuda se

taareef us khuda ki jis ne jahaan banaya
kaisi zameen banaayi, kya aasamaan banaya

mitti se bel boote kya khushnuma ugaaye
pehna ke sabz khillat unko jawaan banaaya

suraj se ham ne payi garmi bhi roshani bhi
kya khoob chashma tu ne ae meharbaan banaya

har cheez se hai us ki kaarigari tapakti
ye kaarkhana tu ne kab raigaan banaya

tujhe dhoondhata tha main chaar su
teri shaan jall-e-jalaalahu

tu mila qareeb-e-rag-e-gulu
teri shaan jall-e-jalaalahu
tujhe dhoondhata tha main chaar su

teri yaad mein hai kali kali
hai chaman-chaman hoo-al-ali
tu basa hai phool mein hoobahu
teri shaan jall-e-jalaalahu
tujhe dhoondhata tha main chaar su

tere huqm se jab hawa chali
to chatak ke boli kali kali
hai kareem tuu, hai raheem tuu
teri shaan jall-e-jalaalahu
tujhe dhoondhata tha main chaar su

tera jalawa donon jahaan mein hai
tera noor kaun-o-makaan mein hai
yahaan tu hi tuu, wahaan tu hi tu
teri shaan jall-e-jalaalahu
tujhe dhoondhata tha main chaar su

zara chehare se kamali hata do ya rasoolallaah
hamein bhi apna deevaana bana do ya rasoolallaah
zara chehare se kamali hata do ya rasoolallaah

muhabbat gair se meri chuda do ya rasoolallaah
meri soyi hui qisamat jaga do ya rasoolallah
zara chehare se kamali hata do ya rasoolallaah

badi qisamat hamaari hai ke ummat mein tumhaari hai
bharosa deen-o-duniya mein tumhaara ya rasoolallaah
zara chehare se kamali hata do ya rasoolallaah

andheri qabr mein mujh ko akela chod jaayenge
vahaan ho fazl se tere ujaala ya rasoolallaah
zara chehare se kamali hata do ya rasoolallaah

kuda mujh ko madeene mein jo pahunchaaye to behatar hai
ke roze par hi de doon jaan ja kar ya rasoolallaah
zara chehare se kamali hata do ya rasoolallaah