Songs from film TUM TOH THEHRE PARDESI

tum to saagar jaisi lag rahi ho
mere dil mein pyaas hai
kya pyaas hai ehasaas hai
khul ke ye batalaaiye
ham to bahut naadaan hain
kuch aap samajhaaiye

saath apna hai ghadiyaan suhaani
aao likh den nai ik kahaani
jo hai likhna tumhen in labon pe likho
umra bhar jo rahegi nishaani
achha zara mere pahalu mein aao
tum to saagar jaisi ...

shera ri ra shera ri raara
dil se dil aaj aise mile hain
pyaar ki had se aage chale hain
main bhi ik aag hoon
tu bhi ik aag hai
kitane shole badan mein jale hain
jaao na ab door mujhse na jaao
tum to saagar jaisi ...

vo bhi anjaan thi main bhi anjaan tha
usase vaada na tha kuch iraada na tha
bas yoon hi darling kah diya
o yaaron maine panga le liya

vo bhi kuch vaada yoon hi darling
pahale to usane choti ko jhataka diya
apani gardan ko thoda sa mataka diya
main ye samajha mere jaal mein phans gayi
dekh daale ek pal mein sapane kai
phir achanak hi ek haadasa ho gaya
jiske sapanon mein main tha khoya hua
usane dekha idhar aur na dekha udhar
aur usi darling ne mere gaal par bharpoor thappad diya
yaaron maine panga ...

pi raha tha main ek din beer bar mein
log khoye the music ki jhankaar mein
ek ladka sharaab is kadar pi gaya
apane saathi se takraar karne laga
maine samjhaaya use bade pyaar se
are faayada kya hai aapas ki takaraar se
vo nashe mein gale mere padane laga
chhod kar vo use mujhase ladane laga
laal peela mujhe kar diya
haay yaaron maine panga ...

door ke ek rishte ki baaraat mein
mera jaana hua doolhe ke saath mein
maine usase kaha baat hi baat mein
shaadi vaadi mat kar aaise haalaat mein
kuch zara soch to kitni mahangaai hai
waqt hai bhaag ja aage rusavaai hai
sabko chaunka diya itni si baat mein
khoob peeta mujhe saari baaraat ne
bhaagane ka na mauqa diya
haay yaaron maine panga ...

ek numaaish ka charcha bahut aam tha
shahar ki har gali mein bada naam tha
usamein kushti ka ek program tha
har vijeta ko do laakh inaam tha
not ki chaah mein ek pahalavaan tha
maine kushti ladi itani ghamaasaan se
dam ukhadane laga pasaliyaan bol utheen
vo munh mera tod ke rakh diya
uf yaaron maine panga ...