Songs from film USNE KAHA THA

jaane vaale sipahi se poochho
vo kahaan ja raha hai

ishq hai qaatil-e-zindagaani
khoon se tar hai usaki javaani
haay maasoom bachapan ki yaaden
haay do roz ki naujavaani
jaane vaale ...

kaise sahame hue hain nazaare
kaise dar dar ke chalate hain taare
kya javaani ka khoon ho raha hai
sukhr hai aanchalon ke kinaare
jaane vaale ...

kaun dukhiya hai jo ga rahi hai
bhookhe bachchon ko bahala rahi hai
laash jalane ki bu a rahi hai
zindagi hai ki chilla rahi hai
jaane vaale ...

t: aaha rimajhim ke ye pyaare pyaare geet liye
aai raat suhaani dekho preet liye
meet mere suno zara hava kahe kyaa, a ...
suno to zaraa, jheengar bole cheekiimiiki cheekiimiiki
rimajhim ke ye pyaare pyaare geet liye

t: (khoi si bheegi bheegi raat jhoome
aankhon mein sapano ki baaraat jhoome ) - 2
dil ki ye duniya aaj baadalon ke saath jhoome
aaha rimajhim ke ye ...

l: (a jaao dil mein basa loon tumhen
nainon ka kajara bana loon tumhen ) - 2
jaalim zamaane ki nigaahon se chhupa loon tumhen
aaha rimajhim ke ye ...

t: (haathon mein tere mera haath rahe
dil se jo nikali hai vo baat rahe ) - 2
mera tumhaara saari zindagi ka saath rahe
aaha rimajhim ke ye ...