Songs from film YAATRIK

dil vaale dil geera hua
kya soch raha hai too, soch raha hai tu
sukh aur duhkh ko samajh baraabar
dheeraj, tu dheeraj dhar saadhu
kyon soch raha kyon soch raha
kya soch raha hai tu ...

khoti duniya bhale budhe ki
kar na sake pahachaan
gyaan vaan par keech uchhaale
(moorakh ko de maan) - 2
tu apamaan ko maan samajh kar
ponch daal aansu
kyon soch raha kyon soch raha
kya soch raha hai tu ...

hansi khushi aur rona dhona
(jag ke jhoothe khel) - 2
tan man mein jo basa hai sabake
badha tu usase mel
badhaake usase mel
(saadhu man par pa qaaboo) - 2
kyon soch raha kyon soch raha
kya soch raha hai tu

tu dhoondhata hai jisako basti me aake ban me
vo saanvara salona rahata hai, rahata hai tere man me ...

masajeed me mandiron mein parvat ke kankadon mein
nadeeyon ke paaneeyon mein gahare samandaron mein
lehara raha hai vo hi khud apane baankapan me
vo saanvara salona rahata hai, rahata hai tere man me ...

har zarre me rama hai har phul me basa hai
har cheez me useeka jalava jhalak raha hai
harakat vo kar raha hai har ik ke tan badan me
vo saanvara salona rahata hai rahata hai tere man me ...